މި އަހަރުގެ ރިޔާސީ އިންތިހާބަށް އެމްޑީޕީން ވަމުން އަންނަ ތައްޔާރީތަކުގެ ތެރެއިން ރާއްޖޭގެ ހުރިހީ ހިސާބެއްގައި މިއަދު ކެމްޕޭން ހަރަކާތްތައް ފަށައިފި އެވެ.
މާލޭން ވެސް ޓީމްތަކެއް ގެންގޮސް ރަށްރަށުގައި ހިންގާ ހަރަކާތްތަކުގެ ތެރޭގައި މެނިފެސްޓޯ އެކުލަވައިލަން މެމްބަރުންގެ ހިޔާލާއި މަޝްވަރާ ހޯދުމާއި އާންމުންނާ ބައްދަލުކުރަން ދޮރުންދޮރަށް ހިނގުމާއި ޕޯސްޓަރުތައް ހަރުކުރުމާއި އަދި އެ ނޫން ވެސް ސިޔާސީ އެކި ހަރަކާތައް އާންމު ރައްޔިތުންނާ ވަރަށް ގާތުން ކުރިއަށް ގެންދާނެ ކަމަށް އެމްޑީޕީން ބުންޏެވެ.
ޅ.ހިންނަވަރު ދާއިރާގެ ކެންޕެއިން ޕޯސްޓަރ ހަރުކުރުމުގެ ހަރަކާތް މިހާރު ކުރިއަށްދަނީ.
ރިޔާސީ އިންތިޚާބުގެ ކެމްޕޭނަށް މަޢުލޫމާތު އެއްކުރުމަށް ރާއްޖޭގެ މީހުންދިރިއުޅޭ ހުރިހާ ރަށަަކަށް އެމްޑީޕީގެ މެމްބަރުން ކުރައްވާ ދަތުރުތަކުގެ ތެެރެއިން #RaajjeDhathuru#Ibu2023 pic.twitter.com/JeOBKC04dB
— MDP Secretariat (@MDPSecretariat) May 19, 2023
އެ ޕާޓީން ބުނި ގޮތުގައި މިއަދު ރަށްރަށުގައި ފެށި ކެމްޕޭން ހަރަކާތްތައް ދެން ހުއްޓުމެއް ނެތި ރިޔާސީ އިންތިހާބާ ހަމައަށް ކުރިއަށް ދާނެ އެވެ. ރިޔާސީ އިންތިހާބު ބާއްވަން ހަމަޖެހިފައި ވަނީ ސެޕްޓެމްބަރު 9 ގަ އެވެ. އެމްޑީޕީގެ ކެންޑިޑޭޓަކީ ދެވަނަ ދައުރަކަށް ވާދަކުރައްވާ ރައީސް އިބްރާހީމް މުހައްމަދު ސޯލިހެވެ.
އއ.މަތިވެރި ދާއިރާގެ ކެންޕެއިން ޕޯސްޓަރ ހަރުކުރުމުގެ ހަރަކާތް އއ.ފުޅަދޫގައި މިހާރު ކުރިއަށްދަނީ.
ރިޔާސީ އިންތިޚާބުގެ ކެމްޕޭނަށް މަޢުލޫމާތު އެއްކުރުމަށް ރާއްޖޭގެ މީހުންދިރިއުޅޭ ހުރިހާ ރަށަަކަށް އެމްޑީޕީގެ މެމްބަރުން ކުރައްވާ ދަތުރުތަކުގެ ތެެރެއިން #RaajjeDhathuru#Ibu2023 pic.twitter.com/j6YrtLJy5D
— MDP Secretariat (@MDPSecretariat) May 19, 2023
އެމްޑީޕީން ކެމްޕޭން ހަރަކާތްތައް މުޅި ރާއްޖޭގައި ފެށި އިރު، އެ ޕާޓީގެ ރައީސް މުހައްމަދު ނަޝީދު، ރައީސް ސޯލިހާއި ސަރުކާރާ ދެކޮޅަށް ހިންގަވަން ފެށި "ފިކުރެއްގެ ދިރުން" މިހާރު ވަނީ ސިޔާސީ ޕާޓީއެއްގެ ގޮތުގައި ރަޖިސްޓްރީކުރަން ނިންމައި، އިންތިހާބަށް ވާދަކުރަން ވެސް ނިންމައިފަ އެވެ.
ފުވައްމުލަކު އުތުރު ދާއިރާގައި ކެންޕެއިން ދޮރުން ދޮރަށް ހިނގުން ކުރިއަށްދަނީ.
ރިޔާސީ އިންތިޚާބުގެ ކެމްޕޭނަށް މަޢުލޫމާތު އެއްކުރުމަށް ރާއްޖޭގެ މީހުންދިރިއުޅޭ ހުރިހާ ރަށަަކަށް އެމްޑީޕީގެ މެމްބަރުން ކުރައްވާ ދަތުރުތަކުގެ ތެެރެއިން #RaajjeDhathuru#Ibu2023 pic.twitter.com/pWMTXD2097
— MDP Secretariat (@MDPSecretariat) May 19, 2023
އެގޮތުން ނަޝީދުގެ ފެކްޝަނަށް ނިސްބަތްވާ މަޖިލީހުގެ 12 މެމްބަރަކު ވެސް އަންގާރަ ދުވަހު ވަނީ ޕާޓީން ވަކިވެވަޑައިގެންފަ އެވެ.
ކެންޕެއިން ހަރަކާތްތަށް ރާއްޖޭގެ ރަށްރަށުގައި ކުރިއަށްދަނީ.
ރިޔާސީ އިންތިޚާބުގެ ކެމްޕޭނަށް މަޢުލޫމާތު އެއްކުރުމަށް ރާއްޖޭގެ މީހުންދިރިއުޅޭ ހުރިހާ ރަށަަކަށް އެމްޑީޕީގެ މެމްބަރުން ކުރައްވާ ދަތުރުތަކުގެ ތެެރެއިން #RaajjeDhathuru#Ibu2023 pic.twitter.com/Kgq1eWaLmd
— MDP Secretariat (@MDPSecretariat) May 19, 2023
އެމްޑީޕީގެ ޗެއާޕާސަން ފައްޔާޒް އިސްމާއި ޕާލިމަންޓަރީ ގްރޫޕް (ޕީޖީ) ލީޑަރު މުހައްމަދު އަސްލަމް ވިދާޅުވެފައި ބަޔަކު ޕާޓީން ވަކިވިޔަސް އެމްޑީޕީ އަށް ގެއްލުމެއް ނުވާނެ ކަމަށާއި އެއްބުރުން ރިޔާސީ އިންތިހާބު ކާމިޔާބު ވެސް ކުރެވޭނެ ކަމަށެވެ.