ސަރުކާރު ކޯލިޝަންގައި ހިމެނޭ އަދާލަތު ޕާޓީގެ ރައީސް އިމްރާން އަބްދުﷲ އަކީ އެއްވެސް ތާއީދެއް ނެތް ހުސް ތޮށިގަނޑެއް ކަމަށް ޕީއެންސީގެ ނައިބު ރައީސް އިބްރާހީމް ޝުޖާއު ވިދާޅުވެއްޖެ އެވެ.
ރާއްޖޭގެ ކަނޑުން ބައެއް ވިއްކާލި ކަމަށް ބުނެ އެކަމާ ދެކޮޅަށް ސިޔާސީ ފަރާތްތަކުން ގުޅިގެން މިހާރު ކުރަމުން އަންނަ މަސައްކަތުގެ ތެރެއިން އެކަމުގައި އިސްކޮށް އުޅުއްވާ ބޭފުޅުންގެ ފޮޓޯއަކާ އެކީ ހޯމް މިނިސްޓަރު ކުރެއްވި ޓްވީޓަކަށް ރައްދު ދެއްވައި މާލެ ސިޓީ ކައުންސިލްގައި ހުޅުމާލެ ތަމްސީލުކުރައްވާ ކައުންސިލަރު ޝުޖާ ކުރެއްވި ޓްވީޓެއްގައި ވަނީ އިމްރާން މާ ބޮޑަށް ހާސްވެގެން ނޫޅުއްވުމަށާއި ރައީސް އިބްރާހީމް މުހައްމަދު ސޯލިހު ނޫން ގޮތެއް އެ ބޭފުޅުން ހޯއްދަވާނެ ކަމަށް ވިދާޅުވެފަ އެވެ.
މާބޮޑަށް ހާސްވެގެން ނޫޅުއްވާ @ShimranAb.
”އިބޫ ނޫން ގޮތެއް“ ދިވެހި ރައްޔިތުންނަށް މިބޭފުޅުން ހޯއްދަވައި ދެއްވާނެ.އެއީ ތިބޭފުޅާ އާއި ނުލާ.ތިއީ ތާއީދެއް ނެތް،ގްރާސްރޫޓެއް ނެތް ހުސް ތޮށިގަނޑެއް. https://t.co/T5xDKB4SvG— Ibrahim Shujau (@IbrahimShujaau) May 23, 2023
"އެއީ ތިބޭފުޅާއާ ނުލައި،" އޭނަ ވިދާޅުވި އެވެ. "ތިއީ ތާއީދެއް ނެތް، ގްރާސްރޫޓެއް ނެތް ހުސް ތޮށިގަނޑެއް."
އިމްރާންގެ ޓްވީޓްގައި ވިދާޅުވެފައި އޮތީ ފޮޓޯ އިން ފެންނަ ބޭފުޅުން ގުޅިގެން އުފައްދަވާ ވެރިކަމެއްގައި ވެރިކަން ކުރަައްވާާނެ ބޭފުޅެއްގެ މައްސަލަ އޮތީ ސުވާލު މާކެއްގެ ތެރޭގައި ކަމަށެވެ.