ރާއްޖޭގެ މަޝްހޫރު ކުންފުންޏަކުން ހިއްސާވާ ގޮތަށް އުފައްދައި ދަތުރުތައް ފަށަން ތައްޔާރުވަމުން އަންނަ ބިއޯންޑް އެއާލައިނަށް ރާއްޖޭގެ ގައުމީ އެއާލައިނެއްގެ ދަރަޖަ ލިބިފައިިވާ ކަމަށް ބުނެފި އެވެ.
މިދިޔަ ހަފުތާގައި މާލޭގައި އޮފީހެއް ވެސް ހުޅުވި މި އެއާލައިނަކީ ކުރީގެ ހެލްތު މިނިސްޓަރު ޑރ. މަރިޔަމް ޝަކީލާގެ އާއިލީ ވިޔަފާރި ކުންފުނި ސިމްޑީ ގްޕޫރާއި ދުބާއީގެ އެރޭބިސް ކޮމްޕެނީ ގުޅިގެން އުފައްދާފައިވާ އެއާލައިނެކެވެ.
ސީއެންއެންގެ "ކްއެސްޓް މީންސް ބިޒްނެސް އަށް" އަށް ދެއްވި އިންޓަވިއުއެއްގައި ބިއޯންޑްގެ ސީއީއޯ ޓެރޯ ޓަސްކިލާ ވިދާޅުވީ
ރާއްޖޭގެ ގައުމީ އެއާލައިނެއްގެ ދަރަޖަ ލިބުމުން، ރާއްޖެއަށް ފުލައިޓު އޮޕަރޭޓުކުރުމުގައި ޚާއްޞަ އިމްތިޔާޒުތަކަކާއި ޙައްގުތަކެއް އެ އެއާލައިނަށް ލިބޭނެ ކަމަށެވެ.
އޭނަ ވިދާޅުވި ގޮތުގައި "ބިއޯންޑް" އިން ރާއްޖެ އިން 60 ގައުމަކަށް އަށް ދަތުރުތައް ބާއްވާނެ އެވެ. އަދި "ބިއޯންޑް" އަކީ ދުނިޔޭގެ ފުރަތަމަ ލަގްޒަރީ އެއާލައިންކަން ފާހަގަކުރައްވާ ޓަސްކީލާ ވިދާޅުވީ މިއީ ދަތުރުކުރާ މީހުންނަށް ވަރަށް ވެސް ހިތްގައިމު ތަޖުރިބާތަކެއް ކުރެވޭނެ ހިދުމަތަކަށް ވާނެ ކަމަށެވެ.
"ބިއޯންޑް" އަށް ގައުމީ އެއާލައިނެއްގެ ދަރަޖަ ދިން ކަމަށް އޭގެ ސީއީއޯ ވިދާޅުވި ނަމަވެސް އެކަމާ ބެހޭ ގޮތުން ސަރުކާރުން މިހާތަނަށް އަދި ރަސްމީކޮށް ވަކި އެއްޗެއް ބުނެފަ އެވެ.
ދަތުރުތައް ފެށުމަށް ވަމުން އަންނަ ތައްޔާރީތަކުގެ ތެރެއިން އެއާލައިންގެ އޮފީހެއް މާލޭގައި ހުޅުވީ މި މަހުގެ 18 ގަ އެވެ.