ރައީސް އިބްރާހީމް މުހައްމަދު ސޯލިހަށް ވަގަށް ގޮވާ ލަވަތައް ނުދައްކަން ޗެނެލް 13 އަށް މޯލްޑިވްސް ބްރޯޑްކާސްޓިން ކޮމިޝަނުން އަންގައިފި އެވެ.
ޖަލު ހުކުމެއް ތަންފީޒު ކުރައްވަމުން ގެންދަވާ ކުރީގެ ރައީސް އަބްދުﷲ ޔާމީނަށް ސަނާކިޔާ ޗެނެލް ހިންގާ، މީޑިއާ ރިންގް ޕްރައިވެޓް ލިމިޓެޑްގެ މެނޭޖިން ޑިރެކްޓަރު އަހްމަދު ނާސިފަށް ބްރޯޑްކޮމް އިން އިއްޔެ ސިޓީއެއްގައި ބުނީ މިިދިޔަ ހޯމަ ދުވަހުގެ ރޭ އެ ޗެނަލުން ދެއްކި ތިން ލަވައެއްގައި ހިމެނޭ ކޮންޓެންޓަކީ ބްރޯޑްކާސްޓް ކުރުމުގެ ކޯޑް އޮފް ޕްރެކްޓިސްގެ ބައެއް ހަމަތަކާ ހިލާފުވާ މަންޒަރާއި އަޑު ހިމެނޭ ލަވަތަކެއް ކަމަށް ބެލެވެ ކަމަށެވެ. އެހެންވެ އެ ލަވަތައް ނުދެއްކުމަށް އެންގުމަށް ކޮމިޝަނުން ނިންމީ އިއްޔެ ބޭއްވި ބައްދަލުވުމެއްގަ އެވެ.
"ކޮމިޝަނުން ވަކި ގޮތަކަށް އަންގަންދެން ޗެނެލް 13 އިން ދެއްކި "ކަނޑުފޭރޭ ޗޯރު" އާއި "ފެލާލައިފި" އަސި "ލުޓޭރު އިބުރޭ" ލަވަތަކުގެ އަޑާއި މަންޒަރު ހިމެނޭ ގޮތުގެ މަތިން އެ ކޮންޓެންޓް ނުވަތަ އެ ކޮންޓެންޓްގެ މަންޒަރާއި އަޑު ބްރޯޑްކާސްޓް ނުކުރުމަށް އަންގާފައިވެ އެވެ.
އަދި އެ ލަވަތަކާ ގުޅިގެން ޖަވާބުދާރީވުމުގެ ފުރުސަތު ދީ އަންނަ މަހުގެ 12 ވަނަ ދުވަހުގެ ރަސްމީ ގަޑި ނިމުމުގެ ކުރިން ލިޔުމުން ޖަވާބުދާރީވުމަށް އަންގާފައިވެ އެވެ.