ރާއްޖޭގެ އެންމެ ބޮޑު އެއް ސިޓީ ކަމަށްވާ ކުޅުދުއްފުށީ ކައުންސިލްގެ ހުރިހާ މެމްބަރުން އަލަށް އުފައްދަން ހުށަހަޅާފައިވާ ޕާޓީ ދަ ޑިމޮކްރެޓްސް އަށް ސޮއިކޮށްފި އެވެ.
މިކަމާ ގުޅިގެން އެ ޕާޓީ އުފެއްދުމުގައި އިސްކޮށް އުޅުއްވާ ބޭފުޅުންގެ ތެރޭގައި ހިމެނިވަޑައިގަންނަވާ ރައްޔިތުންގެ މަޖިލީހުގެ ހެންވޭރު ހުޅަނގު ދާއިރާގެ މެންބަރު ހަސަން ލަތީފު ކުރެއްވި ޓްވީޓެއްގައި ވިދާޅުވީ ކުޅުދުއްފުށީ ސިޓީގެ ހުރިހާ ކައުންސިލް މެމްބަރުން އެ ޕާޓީއަށް އިއްޔެ ސޮއިކޮށްފައިވާ ކަމަށާއި މިއީ ލިބުނު ވަރަށް ބޮޑު އުފަލެއް އަދި ބޮޑު ކާމިޔާބީއެއް ކަމަށެވެ.
Kulhudhuffushi City Mayor @ArthifKFCity aai City Council ge hurihaa Councillorun @TheDemocratsMV aa gulhi vadaigathumakee libunu bodu ufaleh adhi kaamiyaabee eh. Varah bodah Marhabaa aa Shukuriyya. 💙 👏🏽👏🏽👏🏽👏🏽#WeTheDemocrats pic.twitter.com/SqgmM9wqzb
— Hassan Latheef🎈 (@HassanLatheef) May 30, 2023
ކުޅުދުއްފުށީ ކަައުންސިލަރުން ކުރިން ތިއްބެވީ އެމްޑީޕީގަ އެވެ. އަދި މިއީ ދަ ޑިމޮރެކްޓްސް އުފައްދަން މަސައްކަތް ފެށި ފަހުން ކައުންސިލެއްގެ ހުރިހާ މެމްބަރުން އެއްކޮށް އެ ޕާޓީ އަށް ސޮއިކުރި ފުރަމަ ފަހަރެވެ.
ކުރީގެ ރައީސް އަދި އެމްޑީގެ ރައީސް މުހައްމަދު ނަޝީދު އަޑީގައި ހުންނަވައިގެން އުފައްދާ ޕާޓީ އަށް މެންބަރުން ހޯދަން ރާއްޖޭގެ ހިސާބުތަކުގައި މިހާރު އަންނަނީ މަސައްކަތްތައް ކުރަމުންނެވެ. ޑިމޮރްކްޓްސް އަކީ ރާއްޖޭގެ އެންމެ ބޮޑު ޕާޓީ އަށް ހައްދަވާނެ ކަމަށް އެ ޕާޓީ އުފެއްދުމުގައި އިސްކޮށް އުޅުއްވާ ބޭފުޅުން ގެންދަވަނީ ވިދާޅުވަމުންނެވެ.
އަދި މި އަހަރުގެ ރިޔާސީ އިންތިހާބަށް ޕާޓީން ކެންޑިޑޭޓަކު ވެސް ނެރޭނެ ކަމަށް ބުނެފައިވެ އެވެ.