ރައީސް އިބްރާހީމް މުހައްމަދު ސޯލިހު މި މަހު އައްޑު އަށް ވަޑައިގަންނަވާތީ އެމްޑީޕީން އެކަމަށް ތައްތާރީތައް ވާން ފަށައިފި އެވެ.
އެގޮތުން ރައީސަށް ހޫނު މަރުހަބާއެއް ކިޔަން އައްޑޫގެ ހުރިހާ އަވަށެއްގައި ވެސް އެމްޑީޕީގެ އެކި ދާއިދާރަކުން ބައްދަލުވުންތައް ބާއްވައި ތައްޔާރީތަކާ ގުޅޭ މަޝްވަރާތައް އަންނަނީ ކުރަމުންނެވެ.
ރައީސް އެންމެ ފަހުން އައްޑު އަށް ވަޑައިގެންނެވީ ޖެނުއަރީގައި ބޭއްވި އެމްޑީޕީގެ ރިޔާސީ ޕްރައިމަރީގެ ތެރޭގަ އެވެ. އަދި ރައީސްގެ ޕްރައިމަރީ ކެމްޕޭން ޖަލްސާ ވެސް ވަރަށް ކުލަގަދަކޮށް ބޭއްވީ އައްޑޫގަ އެވެ.
އައްޑޫ ސިޓީ ހިތަދޫ މެދުދާއިރާގެ ކެންޕޭންޓީމުގެ މިރޭގެ ބައްދަލުވުމުގެ ތެރެއިން.
ޓީމު އޮތީގަދަކޮށް ޕާޓީގެ ރިޔާސީ ކެންޑިޑޭޓް، ރައީސް @ibusolih އެއްބުރުން ހޮވުމަށް ތައްޔާރަށް.#ibu2023 #VoteThilafathah #HappeningNow@MDPSecretariat@teamibuofficial ⚖️ pic.twitter.com/Bl4D3pwGHJ— Ahmed Shamil (@bihsha) May 30, 2023
ރިޔާސީ އިންތިހާބު ބޯމަތިވެ، އެމްޑީޕީން މިހާރު ކެމްޕޭން ވެސް ފަށާފައިވާ އިރު، ރައީސްގެ މި ފަހަރުގެ އައްޑޫ ދަތުރުގެ ތެރެއިން އައްޑޫގެ ބޮޑެތި ބައެއް މަޝްރޫއުތައް ފައްޓަވައި ދެއްވާނެ އެވެ. އޭގެ ތެރޭގައި ގަން އެއާޕޯޓް ތަރައްގީ ކުރުމުގެ މަޝްރޫއު އާއި މި ހަފުތާގައި ފެށި ބިން ހިއްކުމުގެ މަޝްރޫއު ހިމެނެ އެވެ.
މީގެ އިތުރުން ވެސް އައްޑޫގެ ތަރައްގީ އަށް ސަރުކާރުން ހިންގަމުން އަންނަ މަޝްރޫއުތައް ބައްލައްވާނެ އެވެ.
50 aharu ge dhigu inthizaarakah fahu Addu rayyithun ge ummeedhu thah hageegathakah vaa than fennan fesheemaa bin hikkumuge mashroou fettevumah @ibusolih vadaigathumun hoonu maruhabaa eh kiyumah rayyithun bodibai kakkaa thayyaru vaan fashaifi
— Ibrahim Shareef (@AdduShareef) May 30, 2023
ރައީސް ވަޑައިގަންނަވާތީ އައްޑޫގެ އެމްޑީޕީގެ ސަޕޯޓަރުން އެކަމަށް ވަރަށް ފޯރީގައި މިހާރު ތައްޔާރީތައް ވަމުން ދިޔަ ނަމަވެސް ރައީސްގެ މި ދަތުރުފުޅު ފައްޓަވާނެ ސީދާ ތާރީހެއް ސަރުކާރުން އަދި ހާމައެއް ނުކުރެ އެވެ.
ރައީސްގެ މި ދަތުރާ ބެހޭ ގޮތުން މަރަދޫ ދާއިރާގެ މަޖިލިސް މެމްބަރު އިބްރާހީމް ޝަރީފު (މަވޯޓާ) ކުރެއްވި ޓްވީޓްތަކެއްގައި ރައީސް ސޯލިހަށް އައްޑޫން އޮތް ތާއީދު ރައްޔިތުން މި ފަހަރު ދައްކައިލާނެ ކަމަށެވެ. އަދި އައްޑޫ ހަގީގީ ސިޓީއަކަށް ހަދަން ސަރުމކާރުން ފަށާފައިވާ މަސައްކަތްތައް އިތުރަށް ކުރިއަށް ގެންދަން އައްޑޫ ރައްޔިތުން ރައީސް ސޯލިހު ދެވަނަ ދައުރަކަށް ހޮވާނެ ކަމަށް ވެސް އޭނަ ވިދާޅުވި އެވެ.