ދައުލަތަށް ވަރަށް ގިނަ ދުވަހު ހިދުމަތް ކުރެއްވި ކުރީގެ މިނިސްޓަރު އަބްދުﷲ ޖަމީލް މިއަދު އަވަހާރަވެއްޖެ އެވެ.
އާލާސްފުޅާ އުޅުއްވާތާ ގިނަ ދުވަސްތަކެއް ފަހުން އުމުރުން 87 އަހަރުގައި އަވަހާރަވީ މިއަދު ހެނދުނު އެވެ.
ރާއްޖޭގެ ކުރީގެ މަޝްހޫރު ޝަހުސިއްޔަތެއް ކަމަށްވާ އަދި "ތައުލީމު ދިޔާނާ" ލިޔުއްވި މުހައްމަދު ޖަމީލްދީދީގެ ދޮށީ ދަރިކަލުން އަބްދުﷲ ޖަމީލަކީ ހަ މިނިސްޓްރީއެއްގެ ވަޒީރުކަން ކުރެއްވި ބޭފުޅެކެވެ. އޭގެ ތެރޭގައި ހެލްތު މިނިސްޓްރީ އާއި ޓޫރިޒަމް މިނިސްޓްރީ އާއި ހޯމް މިނިސްޓްރީ އާއި ފިޝަރީޒް މިނިސްޓްރީ އާއި އެޓޮލްސް މިނިސްޓްރީ އާއި ހޯމް އެފެއާޒް އެންޑް ހައުސިން މިނިސްޓްރީ ހިމެނެ އެވެ.
އަދި ރައީސް އޮފީހުގެ އެކި މަގާމުތަކާއި ބައެއް އެހެން މަގާމުތައް ވެސް އަބްދުﷲ ޖަމީލު ފުރުއްވާފައިވެ އެވެ. އޭނަ ރައްޔިތުންގެ މަޖިލިހުގެ ތ. އަތޮޅުގެ މެންބަރުކަން ވެސް 30 އަހަރަށް ވުރެ ދިގު މުއްދަތަކަށް ކުރެއްވި އެވެ. ވައިފަ އެވެ.
ކުރީގެ މިނިސްޓަރުން ކަމަށްވާ ފޮރިން މިނިސްޓަރު ފަތުހުﷲ ޖަމީލާއި ހެލްތު މިނިސްޓަރު ޑރ. އާމިނަތު ޖަމީލުގެ ބޭބޭފުޅު އަބްދުﷲ ޖަމީލް އަވަހާރަވި އިރު ފަސް ބޭފުޅަކު ދުނިޔޭގައި އެބަތިއްބެވި އެވެ.