ސ. މަރަދޫގައި 15 އަހަރުގެ އަންހެން ކުއްޖަކު ބަނގުރާ ދިނުމަށްފަހު ރޭޕް ކުރި މައްސަލައެއް ފުލުހުން ބަލަން ފަށައިފިއެވެ.
ފުލުހުންގެ ދެކުނު ޑިވިޝަން ކޮމާންޑަރ ޗީފް އިންސްޕެކްޓަރ އޮފް ޕޮލިސް އަހްމަދު ޝިފާން ވިދާޅުވީ މައްސަލަ އާއި ގުޅިގެން މީހަކު ފުލުހުންގެ ބެލުމުގެ ދަށައް ގެންގޮސްފައިވާއިރު އެކަމުގައި ޝާމިލްވާ އިތުރު ބަޔަކު ހޯދަމުން އަންނަ ކަމަށެވެ.
މައުލޫމާތު ލިބިފައިވާ ގޮތުގައި މިހަފްތާގެ ހޯމަ ދުވަހުގެ ރޭ ބަނގުރާ ދިނުމަށްފަހު ރޭޕްކޮށްލާފައިވަނީ މަރަދޫފޭދޫ ކުއްޖެކެވެ.
އެކުއްޖާގެ އާއިލާއިން ބުނީ މިއަމަލަކީ ކުރިއާ ރާވާލައިގެން ހިންގާފައިވާ އަމަލެއް ކަމަށާއި، މިކަމުގައި އަންހެން ކުއްޖާ ކިޔަވާ ކްލާހުގެ ތިން އަންހެން ކުއްޖެއްގެ އަތެއްވާ ކަމަށް އެމީހުން ތުހުމަތު ކުރެއެވެ.
އާއިލާއިން ބުނީ ރޭޕް ކުރި އަންހެން ކުއްޖާ ބްލީ ކުރަމުން އަންނަ ކަމުގެ ރިޕޯޓް ސްކޫލަށް ހުށަހެޅި ނަމަވެސް އެކަން ސްކޫލުން ބަލާފައި ނުވާ ކަމަށެވެ.
އަދި މިމައްސަލަ އާއިލާއިން ޕޮލިސް ކަމިޝަނަރަށާއި، ހިއުމަން ރައިޓްސްއަށް ހުށަހެޅުމަށް ދަނީ ތައްޔާރު ވަމުންނެވެ.