އައްޑޫ މޭޔަރު އަލީ ނިޒާރަށް ސަރުކާރުން ކާރެއް ގަނެދީފައިވާކަމުގެ ވާހަކަތަކެއް ދެކެވެން ފަށައިފި އެވެ.
މީޑިއާއަކުން ރިޕޯޓްކޮށްފައިވާ ގޮތުގައި މޭޔަރު ދަތުރު ކުރައްވަން ސަރުކާރުގެ ހަރަދުގައި ގަތީ މަޒްޑާ 3 ބްރޭންޑްގެ ކާރެކެވެ. އަދި އޭގެ އަގަކީ 1.5 މިލިއަން ރުފިޔާ ކަމަށް ވެސް ބުނެފައިވެ އެވެ. ކާރު މި ވަގުތު އަދި އޮތީ މާލޭގައި ކަމަށާއި އެ ކާރު ވަރަށް އަވަހަށް އައްޑު އަށް ފޮނުވަން މަސައްކަތް ކުރަމުން އަންނަ ކަމަށް ވެސް އެ ވާހަކަ ގެނެސްދިން މީޑިއާއިން ބުނެފައިވެ އެވެ.
މޭޔަރަށް ސަރުކާރުން ކާރެއް ގަނެދީފައިވާކަމުގެ ވާހަކަތަކެއް ދެކެވެމުން އަންނަ އިރު، މިދިޔަ އަހަރުގެ މާޗް މަހުގެ ތެރޭގައި ނިޒާރުގެ އަމިއްލަ ކާރަށް "އިންޑިއާ އައުޓް" ސްޕްރޭކޮށް ގެއްލުންތަކެއް ދީފައިވެ އެވެ. އަދި އެ މައްސަލަ އޭރު ފުލުހުންނަށް ވެސް ރިޕޯޓްކޮށްފި އެވެ.
މޭޔަށް ހާއްސަކޮށް ސަރުކާރުން ކާރެއް ގަނެދިން ކަމަށް ވާހަކަ ދެކެވޭ އިރު، މިހާރު ވެސް އައްޑޫ ސިޓީ ކައުންސިލްގައި ކާރުތައް ގެންގުޅެ އެވެ.