މަގާމުތަކުން ވަކިކުރަން ހުށަހަޅާފައިވާ ރައްޔިތުންގެ މަޖިލީހުގެ ރައީސް މުހައްމަދު ނަޝީދާއި ނައިބު ރައީސް އީވާ އަބްދުﷲ އެތަން ހައިޖެކްކޮށްފައިވާ ކަމަށް އައްޑޫ މީދޫ ދާއިރާގެ މެމްބަރު ރޮޒައިނާ އާދަމް (ރޮޒޭ) ވިދާޅުވެއްޖެ އެވެ.
އީވާ ވަކިރުމުމުގެ މައްސަލަ މިއަދު އެޖެންޑާކުރި ނަމަވެސް، މަޖިލީހުގެ ރިޔާސަތި ބަލަހައްޓަވާނެ ބޭފުޅަކު ނެތުމުން ޖަލްސާ ކުރިއަށް ނުގެންދެވ އޮތުމުން އޭނަ ކުރެއްވި ޓްވީޓެއްގައި ވިދާޅުވީ އިތުބާރު ނެތް ރައީސާއި ނައިބު ރައީސް މަގާމުގައި ބަގުޑި ބައްދައިިގެން މަޖިލިސް ހައިޖެކްކޮށްފި ކަމަށެވެ.
Ithubaaru neiy Raees akaa Naib raees eh magaamuga bagudi bahdhaigen majlis hijack koffi!
Isthiufa eh nudhevvaa!
Ekamu riyaasathah aran uzuruverivey!
Musaara nagaakah, inaayaithah beynun kuraakah uzuruverieh nuvey. 😂— 𝐌𝐏 𝐑𝐨𝐳𝐚𝐢𝐧𝐚 𝐀𝐝𝐚𝐦 (@Roxeyna) June 13, 2023
"އެ ބޭފުޅުން] އިސްތިއުފާއެއް ނުދެއްވާ. އެކަމަކު ރިޔާސަތަށް އަރަން އުޒުރުވެރިވޭ،" ރޮޒޭ ވިދާޅުވި އެވެ. "މުސާރަ ނަގާކަށް އިނާޔާތްތައް ބޭނުންކުރާކަށް އުޒުރުވެރިއެއް ނުވޭ."
އެމްޑީީން ބުނެފައި ވަނީ ނަޝީދާއީ އީވާ ވަކި ކުރުމުގެ މައްސަލައިގައި ގޮތެއް ނުނިންމެނީސް މަޖިލީހިގެ އެހެން އެއްވެސް މަސައްކަތެއް ކުރިއަށް ނުގެންދެވޭނެ ކަމަށެވެ. އަދި މަޖިލިސް "މަރުތަޅުން" ނައްޓަން އެ ބޭފުޅުން މަގާމުން އިސްތިއުފާ ދެއްވަން ޖެހޭނެ ކަމަށް ވެސް އެމްޑީޕީން އަންނަނީ ބުނަމުންނެވެ.
ނަޝީދު ވަނީ އިތުބާރު ނެތްކަމުގެ މައްސަލައާ ގުޅިގެން މަޖިލީހުގެ ރިޔާސަަތު ބަލަހައްޓަވަން އުޒުރުވެރިވާކަން ސިޓީއަކުން މަޖިލީހުެގ އަމީންއާންމު ފާތުމަތު ނިއުޝާ އަންގަވައިފަ އެވެ.