ވިޔަފާރިވެރިޔާ އަހުމަދު ސިޔާމް މުހައްމަދު ސަން ސިޔާމު) ގެ ޕާޓީ، މޯލްޑިވްސް ޑިވެލޮޕްމަންޓް އެލައިންސް އެމްޑީއޭ) އާ އަލަށް 500 މީހުން ގުޅިފައިވާ ކަމަށް އެ ޕާޓީން ބުނެފި އެވެ.
ޕާޓީ އަށް އަލަށް ސޮއިކުރި މެމްބަރުންގެ ފޯމްތައް ރޭ ވަނީ ޕާޓީގެ އިސްވެރިންނާ ވެސް ހަވާލުކޮށްފަ އެވެ.
އެމްޑީއޭ އަކީ މި އަހަރުގެ ރިޔާސީ އިންތިހާބުގައި ރައީސް އިބްރާހީމް މުހައްމަދު ސޯލިހަށް ވެރިކަމުގެ ދެވަނަ ދައުރެއް ހޯދައިދޭން ތާއީދުކޮށް، އެމްޑީޕީއާ ކޯލިޝަން ހަދާފައިވާ ޕާޓީއެކެވެ. އެ ޕާޓީން އެގޮތަޑް ނިންމީ ސިޔާމު ރިޔާސީ އިންތިހާބުގައި ވާދަކުރައްވަން ނިންމެވި ނިންމެވުމުން އަނބުރާ ގެންދެވުމަށް ފަހު އެވެ.
އެމްޑީއޭއާ އަލަށް 500 މީހުން ގުޅުނު އިރު، މިދިޔަ އަހަރުން ފެށިގެން ޕާޓީ އަށް މެމްބަރުން އިތުރުކުރަން ރާއްޖޭގެ އެކި ހިސާބުތަކުގައި އަންނަނީ މަސައްކަތްކުރަމުންނެވެ.
އެމްޑީއޭގެ ނައިބު ރައީސް އަލީ މައުރޫފް ވިދާޅުވީ އަލަށް އެ ޕާޓީއާ ގުޅުނު މީހުންގެ ތެރޭގައި ގިނައީ މާލެ އާއި ފުވައްމުލަކާއި ނ. އަތޮޅާއި ދ. އަތޮޅުން ސޮއިކުރި މީހުން ކަމަށެވެ.
އޭނަ ވިދާޅުވީ މެމްބާޝިޕް އިތުރުކުރުމަށް ކުރާ މަސައްކަތަކީ މި އަހަރުގެ ރިޔާސީ އިންތިހާބަށް ޕާޓީ ވަރުގަދަކުރުމުގެ ގޮތުން ކުރަމުން އަންނަ މަސައްކަތެއް ކަމަށެވެ.