ރައްޔިތުންގެ މަޖިލީހުގައި މިހާރު މަރުތެޅި، ޖަލްސާތައް ކުރިއަށް ނުގެންދޭވޭތޯ މެޖޯރިޓީ ޕާޓީ، އެމްޑީޕީން ފަސް އިސްލާހެއް މަޖިލީހުގެ ގަވާއިދަށް ހުށަހަޅައިފި އެވެ.
މި އިސްލާހިުތައް ހުށަހެޅުއްވީ އެ ޕާޓީގެ ޕާލިމަންޓަރީ ގްރޫޕް (ޕީޖީ) ގެ ލީޑަރު އަދި ހިތަދޫ އުތުރު ދާއިރާގެ މެމްބަރު މުހައްމަދު އަސްލަމެވެ.
އޭނަ ހުށަހެޅުއްވި އިސްލާހުތަކުގެ ތެރޭގައި މަޖިލީހުގެ ރައީސާއި ނައިބު ރައީސްގެ އިތުބާރު ނެތްކަމުގެ މައްސަލަ ކުރިއަށް ގެންދާ ޖަލްސާއެއްގެ ރިޔާސަތު ބެލެހެއްޓުމަށް އެ ބޭފުޅުން އުޒުރުވެރިވާ ހާލަތުގައި މަޖިލީހުގެ ރިޔާސަތު ބަލަހައްޓާނޭ ބޭފުޅަކު ކަނޑައެޅުމުގެ ބާރު މަޖިލީހުގެ އަމީ އާންމަށް ދިނުމާއި އެ ޖަލްސާގެ ރިޔާސަތު ހަވާލުކުރާނެ ފަރާތް ކަނޑައެޅުމުގައި އަމީން އްމު ރިއާޔަތްކުރަން ޖެހޭނީ މަޖިލީހުގެ ރައީސާއި ނައިބު ރައީސްގެ ގައިރު ހާޒިރުގައި ރިޔާސަތު ބަލަހައްޓަން ކަނޑައަޅާފައިވާ މެމްބަރުންނަށް ކަމަށް ބުނެފައިވާ އިސްލާހަކާއި މަޖިލީހުގެ ނައިބު ރައީސް މަގާމުން ވަކިކުރުމުގެ ގަރާރެއް ހިނގަމުންދާ ޖަލްސާއެއްގައި މެމްބަރުންނަށް ވާހަކަ ދައްކަން ލިބޭ ފުރުސަތުގެ ދިގުމިން ކަނޑައެޅުމުގެ ބާރު އަމީންއާއްމަށް ދިނުމާއި ވަގުތު ކަނޑައަޅަން ޖެހޭނީ މަޖިލީހުގައި ތަމްސީލުވާ ސިޔާސީ ޕާޓީތަކާއި ވަކި ޕާޓީއަކަށް ނިސްބަތް ނުވާ މެމްބަރުންގެ ނިސްބަތަށް ރިއާޔަތްކޮށް ކަމަށް ހިމެނުމާއި މަޖިލީހުގެ ރައީސަށް އޭނާގެ ދިފާއުގައި ވާހަކަދެއްކުމަށް 30 މިނެޓު ދިނުން. ހިމެނެ އެވެ.
އިސްލާހުތައް ހުށަހަޅާފައި އެ އިސްލާހުތައް ފާސްކުރާ ތާރީހުން ފެށިގެން އެއަށް އަމަލުކުރަން ޖެހޭނެ ގޮތަށެވެ.