ކުރިިމަތީގައި އޮތީ މި އަހަރުގެ ރިޔާސީ އިންތިހާބެވެ. އަބަދު ވެސް ރިޔާސީ އިންތިހާބުތަކާ ދިމާކޮށް ރާއްޖޭގެ އެންމެ ދެކުނުގައި އޮތް އައްޑޫގެ ވާހަކަ ވަކިން ބޮޑަށް ދެކެވެ އެވެ. ސަބަބަކީ ބޮޑު އާބާދީއެއް އޮތުމެވެ. އެހެންވެ ވޯޓަކަށްދާ އިރު، މި އާބާދީގެ ވޯޓަކީ ކޮންމެ ބަޔަމަށް ވެސް ވަރަށް މުހިއްމު އެއްޗެކެވެ.
އެހެންވެ ސެޕްޓެމްބަރު 9 ގައި ބާއްވާ ރިޔާސީ އިންތިހާބާ ދެމެދު މިއޮތް ކުރު މުއްދަތުގެ ތެރޭގައި އެކިއެކިި ކެންޑިޑޭޓުންގެ ފަރާތުން ވައުދުމާނާތައް އައްޑޫ ރައްޔިތުންނާ ހަމައަށް އަންނާނެ އެވެ. މީގެ ފުރަތަމަ ބޮޅު މީގެ ހަފުތާއެއްހާ ދުވަސް ކުރިން ރައީސް އިބްރާހީމް މުހައްމަދު ސޯލިހު އައްޑު އަށް ވަޑައިގެން ފުރިހަމަކުރައްވައިފި އެވެ.
އައްޑޫ ސިޓީގެ ބިން އިތުރުކުރުމުގެ މަޝްރޫއު ރައީސް @ibusolih ފައްޓަވައި ދެއްވައިފި. މި ސަރުކާރަކީ ވައުދުވާ، ވައުދު ފުއްދާ ސަރުކާރެއް. މިއީ އަދުގެ ރައީސަށް ދެވަނަ ދައުރެއް ދިނުމަށް ގިނަ ރައްޔިތުން އެދި ގޮވާ ސަބަބު 👇#Ibu2023 #Heyoverikan pic.twitter.com/COH64BtU5X
— MDP Kuriah (@MDPKuriah) June 3, 2023
އެ ދަތުރުގެ ތެރޭގައި އައްޑޫގެ ބިން ހިއްކުމުގެ މަޝްރޫއާ އާއި ގަން އެއާޕޯޓް ތަރައްގީ ކުރުމުގެ މަޝްރޫއު އެ މަނިކުފާނު ވަނީ ފައްޓަވައި ދެއްވައިފަ އެވެ. މި ދެ ޕްރޮޖެކްޓަކީ އައްޑޫގެ ރައްޔިތުންގެ އުންމީދާ ގުޅިފައިވާ ދެ މަޝްރޫއެވެ. ފާހަގަކޮށްލެވޭ ކަމަކީ ގަން އެއާޕޯޓްގެ ތަރައްގީގެ ވާހަކަ އަކީ ވެސް އަބަދު ވެސް އައްޑޫގައި ސިޔާސީ މަންފާއަކަށް ދައްކާ ވާހަކައެއްގެ ގޮތުގައި ފާހަގަކުރެވުމެވެ. އެހެންވެ މި ފަހަރު ވެސް އެއާޕޯޓް ތަރައްގީގެ ވާހަކަ އަކީ ހަމަ އެކަހަލަ ސިޔާސީ އުކުޅަކަށް ވެދާނެ ކަމަށް ބެލުމުގެ ފުރުސަތު އެބައޮތެވެ.
މި ސަރުކާރާއި ސަރުކާރަށް ތާއީދުކުރާ މީހުން ބުނާ ގޮތުގައި އައްޑޫ މިހާރު ތަރައްގީވެ، ހަގީގީ ސިޓީއަކަށް ވަނީ އެވެ. މަގުތައް ހެދުމާއި އިގުތިސާދީ ހަރަކާތްތައް އިތުރުކުރަން ޓޫރިޒަމް ފުޅާކުރުމަށް ވެސް އެތައް މަޝްރޫއެއް އޮތީ ތައްޔާރަށެވެ. އެހެންވެ ކުރިއަށް އޮތީ އައްޑު އަށް ވަރަށް ފާގަތި ދުވަސްތަކެކެވެ.
”އަފިރިން ބޭނުންވެނީ މިކަލަސް މި ރައީސު މާދުމެއިއަސް މި ރައީސު“
އައްޑޫ އެއް އަޑަކުން ކޭނީ ހެއުވެރިކަން ދަމަހައްޓަން💛#Ibu2023#BoduBadhalu pic.twitter.com/eYoXAsASNG
— Hussain Shafiu (@charly_thuthu) June 3, 2023
އެކަމަކު މި މަޝްރޫއުތަކާ އެކީ އައްޑޫ ފުރިހަމަ ސިޓީއަކަށް ހަދަން ކުރާ މަސައްކަތް ފުރިހަމަ ވާނީ ރައީސް ސޯލިހަށް ދެވަނަ ދައުރެއް ދީގެން ކަމަށް ސަރުކާރުން ބުނެ އެވެ. އައްޑޫ ސިޓީ ކައުންސިލުން ވެސް އަދި މަޖިލީހުގައި ތިއްބެވި އައްޑޫގެ ގިނަ މެމްބަރުން ވެސް ވިދާޅުވަނީ އެހެންނެވެ.
މޭޔަރު އަލީ ނިޒާރު ވިދާޅުވާ ގޮތުން ނަމަ ރައީސް ސޯލިހަށް ދެވަނަ ދައުރެއް ދޭން އައްޑޫ ރައްޔިތުންނަށް ލާޒިމެވެ. އަދި އެ ނޫން ކެންޑިޑޭޓަކަށް އައްޑޫ މީހުން ވޯޓް ދޭން ޖެހޭ ސަބަބެއް ވެސް ނެތެވެ. އެއީ މިހާތަނަށް އައްޑޫގެ ތަރައްގީ އަށް އެންމެ ގިނަ މަޝްރޫއު ކުރިއަށް ގެންދާ ސަރުކާރަކީ މިއީ ކަމަށްވާތީ އެވެ.
އެހެންވެ އެކަމުގެ އުފަލުގައި ރައީސްގެ މި މަހުގެ ދަތުރުފުޅުގެ ތެރޭގައި ކައުންސިލުން ވަނީ ހަވާއަރުވައި، ތަރައްގީ އަށް ކޮށްދެއްވާ މަސައްކަތްތަކުގެ އަގު ވެސް ވަޒަންކޮށްފަ އެވެ.
ރީތިކަން …އައްޑޫ ސިޓީ ސަޅިކަން ..އުފާވެރި ރެއެއް.. @ibusolih 💛#Heyoverikan#BoduBadhalu#Ibu2023
@teamibuofficial @maryamNinni pic.twitter.com/BnN3tnc6sI— Enner (@Ennner) June 4, 2023
ސަރުކާރުން ބުނާ ގޮތުގައި އަމާޒު މިހާރު ހިފާފައި އޮތީ އައްޑޫ މުޅިން ބަދަލުކޮށް، އާ މަންޒިލަކަށް ހިންދެމިލުމެވެ. އެގޮތުން މިހާރު ރޭވިފައި ހުރި މަޝްރޫއުތައް ނިމިގެން އަންނަ އިރު، އިގުތިސާދީ ވަރުގަދަ މަރުކަޒަކަށް ބަދަލުވެގެން ދާނެ އެވެ. މި ހުރިހާ ވާހަކައެއް މި ވަގުތު ގޮސް ހުއްޓެނީ، ރައީސަށް ދެވަނަ ދައުރެއް ހޯދަން ދޭ ވޯޓާ ހަމައަށެވެ.
ސުވާލަކީ އައްޑޫގެ އާންމު ރައްޔިތުން ތިބީ ރައީސް ސޯލިހަށް ދެވަނަ ދައުރެއް ދޭ ގޮތަށްތޯ އެވެ؟ ވަރަށް ތިލަކޮށް ވިސްނާލައިގެން އެ ސުވާލަށް ކޮންމެވެސް ވަރެއްގެ ސާފު ޖަވާބެއް ލިބިދާނެ އެވެ. އިންތިހާބުގައި މިހާރު ވާދަކުރަން ނިންމައިގެން ތިއްބެވި ކެންޑިޑޭޓުންނާ މެދު ވިސްނައިލާށެވެ. އޭގެ ތެރޭގައި ހިމެނެނީ ޖުމްހޫރީ ޕާޓީގެ ކެންޑިޑޭޓް ގާސިމް އިބްރާހީމާއި އެމްއެންޕީގެ ކެންޑިޑޭޓް ކާނަލް މުހައްމަދު ނާޒިމާއި އަމިއްލަ ގޮތުން ވާދަކުރައްވާ އަދި އައްޑު އަށް ނިސްބަތްވާ ޑރ. މުނައްވަރުގެ އިތުރުން އަމިއްލަ ގޮތުން ވާދަކުރައްވާ އުމަރު ނަސީރެވެ.
އައްޑޫ ސިޓީގެ ރައްޔިތުން އަޅުގަނޑުމެންނަށް ތި ކުރެއްވި އިތުބާރާއި ވިދާޅުވި ހޫނު މަރުޙަބާއަށް ޝުކުރު ދަންނަވަން. އައްޑޫގެ ކުރިމަގާމެދު ތިބޭފުޅުން ކުރެއްސެވި ޕްލޭން އެ ގޮތުގަ ތަންފީޒުކޮށްދިނުމުގަ އަޅުގަނޑުމެން ކުރިއަށް ދާނަން
— Ibrahim Mohamed Solih (@ibusolih) June 5, 2023
އައްްޑޫ ރައްޔިތުން މި ފަހަރު ވޯޓް ދޭން ވިސްނާ އިރު، މި ބޭބޭފުޅުންނާއި ރައީސް ސޯލިހާ އަޅާކިޔާ ނަމަ ހަމަ ހަގީގަތުގައި ވެސް ކައުންސިލާއި މަޖިލިސް މެމްބަރުންނާއި ސަރުކާރުން ވެސް ބުނާ ގޮތަށް މި ލިސްޓްގައި ތިބި ބޭފުޅުންނަށް ކޮންމެހެން ވެސް ވޯޓްދޭން ލާޒިމުވާ އެއްވެސް ސަބަބެއް ނެތެވެ.
އެހެންވެ އިންތިހާބުގައި ރައީސްގެ އިކޮޅަށް އައްޑޫން ވޯޓް ބަރުވުމަކީ ހަމަވުން ވަރަށް ގާތް ކަމެކެވެ. އެކަމަކު ސިޔާސީ ނިންމުންތަކުގައި ވޯޓް ކޮންމެ ގަދަ ގޮތަކަށް ވެސް އެނބުރިގެން ހިނގައިދާނެ އެވެ.
Alhamudhu lillaahi ❤️
Addu ge Rayyithun ge huvafen hageegathakah vejje Raees @ibusolih akee dhevana eh neiy fadha oagaatheri veri eh . Vaudhu fuhdhavaa ihulaastheri veri eh #Ibu2023 @MDPSecretariat @DhekunuNizar @aslamdp pic.twitter.com/kwDtcd2o8E— Moosa Rameez 2023 (@moosaFelidhoo) June 3, 2023
ކުރިއަށް އޮތް ދުވަސްތަކުގައި ރިޔާސީ ކެންޑިޑޭޓުން ޔަގީނުން ވެސް އެ ބޭފުޅުންގެ މެނިފެސްޓޯ ހިއްޕަވައިގެން އައްޑު އަށް ވަޑައިގަންނަވާނެ އެވެ. އެ ބޭފުޅުންނަށް ރައްޔިތުން ވޯޓްދޭން ޖެހޭ ސަބަބު ވިދާޅުވެ، ދެއްވައި ރައްޔިތުންގެ ވޯޓާ ކުޅުއްވަން މަސައްކަތް ކުރައްވާނެ އެވެ.
އައްޑޫ އޮތީ އެކަމަށް ތައްޔާރަށެވެ. ނަތީޖާ އަށް އިންތިޒާރު ކުރާނީ ސެޕްޓެމްބަރު 9 ގެ ފަހުންނެވެ.