"އަންހެނުންގެ އަޑު" ގެ ނަމުގައި އެމްޑީޕީގެ މެނިފެސްޓޯއާ ގުޅޭ ގޮތުން ޕާޓީގެ އަންހެން މެމްބަރުންނަށް ހާއްސަކޮށްގެން މާދަމާ ވޯކްޝޮޕެއް ބާއްވަން ނިންމައިފި އެވެ.
އެމްޑީޕީގެ އަންހެނުންގެ ރޫހުން އިންތިޒާމުކުރާ މި ވޯކްޝޮޕް ކުރިއަށް ދާނީ މާލޭގެ ދަރުމަވަންތަ ސްކޫލްގައި މާދަމާ މެންދުރު ފަހު 1:45 އިން ހަވީރު 6:00 އާ ހަމައަށެވެ. އަންހެނުންގެ ރޫހުން ބުނީ "އަންހެނުންގެ އަޑު" ވޯކްޝޮޕްގެ ތައްޔާރީތައް މިހާރު ބާރަށް ކުރިއަށްދާ ކަމަށެވެ.
އަންހެނުންގެ އަޑު އެންމެ ރަނގަޅަށް އިއްވައި ދެވޭނީ އަންހެނުންނަށް!
MDP މެނިފެސްޓޯގައި އަންހެނުންގެ ފަރާތުން އެދޭ ކަންކަން ހުށައެޅުމަށް މި ވަރކްޝޮޕް ގައި ބައިވެރިވުމަށް MDP ގެ ހުރިހާ އަންހެނުންނަށް ދައުވަތު އަރުވަން!
MDP އަކީ މެންބަރުންގެ އަޑު އަހާ ޕާޓީ! #ARmanifesto #Ibu2023 pic.twitter.com/HbHuZNELdX— MDP Womens Wing (@MDPWomensWing) June 15, 2023
މި ވޯކްޝޮޕްގެ ތެރޭގައި މި އަހަރުގެ ރިޔާސީ އިންތިހާބަށް އެމްޑީޕީގެ މެނިފެސްޓޯ އެކުލަވާލުމުގައި އަންހެނުންގެ ހިއްސާ އާއި ބައިވެރިވުން އިިތުރުކޮށް، އަންހެނުންގެ ގުޅުން ހުރި ގިނަ ކަންކަމަށް ބާރު އަޅަން މަޝްވަރާކުރުން ފަދަ ކަންކަން ކުރިއަށްދާނެ އެވެ.
You can follow the MDP Women’s Voice workshop online wherever you are, as we will be doing a facebook live. Share your views as comments on fb. If you want to join the workshop whatsapp group & share ideas there, please DM me & I will add u to the group. Make urself heard! pic.twitter.com/XWgvDgvn2J
— 𝐌𝐏 𝐑𝐨𝐳𝐚𝐢𝐧𝐚 𝐀𝐝𝐚𝐦 (@Roxeyna) June 16, 2023
އެމްޑީޕީން އަންނަނީ ސެޕްޓެމްބަރު 9 ގައި ބާއްވާ ރިޔާސީ އިންތިހާބަށް ވަރަށް ބޮޑަށް ތައްޔާރުވަމުންނެވެ. އެގޮތުން ކުރިއަށް އޮތް ބޮޑު އީދަށް ފަހު، ޕާޓީގެ ކެންޑިޑޭޓް ރައީސް އިބްރާހީމް މުހައްމަދު ސޯލިހު ރަސްމީކޮށް ރިޔާސީ ކެމްޕޭން ލޯންޗްކުރައްވައި، އަތޮޅުތަކަށް ވެސް ދަތުރުތައް ފައްޓަވާނެ އެވެ.