އުރީދޫ މޯލްޑިވްސް އިން ކޮންމެ އަހަރަކު ބާއްވަމުން އަންނަ މި އަހަރުގެ މަސް ރޭސް ރާއްޖޭގެ ހަތަރު ސިޓީގައި ބާއްވަން ނިންމައިފި އެވެ.
ފިޝަރީޒް މިނިސްޓްރީއާ ވެސް ގުޅިގެން ބާއްވާ މި އަހަރުގެ "އުރީދޫ މަސް ރޭސް" ކުރިއަށް ގެންދަން ނިންމާފައި ވަނީ 4 އޮގަސްޓާއި 25 އޮގަސްޓާ ދެމެދުގަ އެވެ. އެގޮތުން މާލެ އިން މުބާރާތް އޮގަސްޓް 4 ގައި ފަށަން ނިންމާފައިވާ އިރު، އެ މަހުގެ 11 ގައި ރޭސް ކުރިއަށް ދާނީ ކުޅުދުއްފުށީގަ އެވެ. އޮގަސްޓް 18 ގައި "އުރީދޫ މަސް ރޭސް" އައްޑޫގައި ބާއްވާ އިރު، އެ މަހުގެ 25 ގައި ރޭސް ކުރިއަށް ގެންދާނީ ފުވައްމުލަކުގަ އެވެ.
"We are excited to join hands with the @MoFMRAmv in organizing #OoredooMasrace2023. This year as part of our 18th Anniversary, Masrace will be held throughout the August across all 4 cities of the nation enabling more people to be a part of this exciting event. We invite all… pic.twitter.com/Dq87Izd0NF
— Ooredoo Maldives (@OoredooMaldives) June 15, 2023
މި އަހަރުގެ މުބާރާތަށް ހުށަހަޅާފައިވާ އިނާމުތަކަށް ބަލާ އިރު، ކޮންމެ ސިޓީއަކަށް ވެސް ޖުމްލަ 75،000ރ. ރުފިޔާގެ އިނާމު ދޭނެ އެވެ. އެގޮތުން ކޮންމެ ސިޓީއަކުން އެއް ވަނަ، ދެވަނަ ތިން ވަނަ ޓީމު ހޮވައި އަދި އެންމެ މޮޅު މަސްވެރިޔާ އާއި އެންމެ މޮޅު އަންހެން މަސްވެރިޔާ ވެސް ހޮވާނެ އެވެ.
* އެއް ވަނަ ޓީމު: 25،000ރ.
* ދެ ވަނަ ޓީމު: 10،000ރ.
* ތިން ވަނަ ޓީމު: 5،000ރ.
* އެންމެ މޮޅު މަސްވެރިޔާ: 1،000ރ.
* އެންމެ މޮޅު އަންހެން މަސްވެރިޔާ: 1،000ރ.
އުރީދޫން ބުނީ އުރީދޫ މަސް ރޭހުގައި ކޮންމެ ސިޓީއަކުން ވެސް އެންމެ މަދުވެގެން 12 ޓީމު، ގިނަވެގެން 30 ޓީމު ވާދަކުރާނެ ކަމަށެވެ. އަދި 30 ޓީމަށް ވުރެ ގިނައިން ބައިވެރިވެއްޖެ ނަމަ ބައިވެރިވާ ޓީމުތައް ހޮވުމަށް ގުރުއަތެއް ނަގާނެ އެވެ. ނުހޮވޭ ޓީމުތަކަށް ފުލް ރިފަންޑް ދޭނެ އެވެ.
#OoredooMasrace2023 is for anyone and everyone who’s loves fishing and is up for some fun! Registration closes on 1st July’23 so get your squad registered via https://t.co/LnWOOHR2yX.
Check out the Masrace kit and the size chart.👇 pic.twitter.com/mWveF9S374
— Ooredoo Maldives (@OoredooMaldives) June 15, 2023
"އުރީދޫ މަސް ރޭސް 2023" ގައި ބައިވެރިވުމުގެ ފުރުސަތު އަންނަ މަހުގެ 1 އާ ހަމައަށް ވަނީ ހުޅުވާލައިފަ އެވެ. ނިޔަލަށް އެގޮތުން އުރީދގެ އޮންލައިން ޕޯޓަލް މެދުވެރިކޮށް ޓީމް ރަޖިސްޓްރީ ކުރެވޭނެ އެވެ. ފޯމް ހުށަހަޅާ އިރު ޓީމުގެ ބައިވެރިންނަށް 150ރ. ރުއަށް މަސްރޭސް ކިޓް މޫލީ މެދުވެރިކޮށް ގަނެވޭނެ އެވެ. ކިޓުގައި ހިމެނޭނީ މަސްރޭސް ކޯރީ އާއި ޓީޝާޓެވެ.
ކޮންމެ ޓީމެއްގައި ކެޕްޓަނާއި އޮފިޝަލުން ހިމެނޭ ގޮތަށް 12 މެމްބަރުން ތިބެންވާނެ ކަމަށް އުރީދޫން ބުނެ އެވެ.
"އުރީދޫ މަސް ރޭސް 2023" އަށް ޖުމްލަ 160،000ރ. އުރީދޫން ވަނީ ކަނޑައަޅައިފަ އެވެ.