މަޖިލީހުގެ ރައީސް މުހައްމަދު ނަޝީދު އެ މަގާމުން ވަކިކުރަން އޮތީ ހުށަހަޅައިފަ އެވެ. އެކަމަކުގެ ނޯޓިސް ވެސް މަޖިލީހުން އޮތީ ނަޝީދަށް ފޮނުވައިފަ އެވެ.
އިތުބާރު ނެތްކަމުގެ މައްސަލަ ހުށަހެޅުމުން ނަޝީދު ވަނީ މަޖިލީހުގެ ރިޔާސަތު ބަލަހައްޓަވަން އުޒުރުވެރިވެވަޑައިގަންނަވާ ކަމަށް އަންގަވައިގަ އެވެ. ނަޝީދުގެ މި "ޑްރާމާ" އާ އެކީ މަޖިލިސް މިހާރު އޮތީ މަރުތަޅު އެޅިފަ އެވެ. ޖަލްސާތައް ކުރިއަކަށް ނުގެންދެވެ އެވެ.
އެކަމަކު ނަޝީދު މި އުޅުއްވަނީ "މަޖާ ކުރެއްވުމުގަ" އެވެ. ނަޝީދު އިސްކޮށް ހުންނަވައިގެން އުފައްދަން ހުށަހަޅާފައިވާ ޕާޓީ އުފެއްދުމުގައި އިސްކޮށް އުޅުއްވާ މުހައްމަދު ޝިފާޒުގެ އުފަން ދުވަސް ފާހަގަކުރަން ނަޝީދު މި ހުންނެވީ ޝިފާޒާ އެކީ ނައްޓަވާށެވެ. ސޯޝަލް މީޑިއާގައި އާންމުވެފައިވާ ވީޑިއޯއެއްގައި ފެންނަނީ ޝިފާޒުގެ އުފަން ދުވަސް ފާހަގަކުރަން އުއްބަތިން ކޭކެއް ދިއްލައި، ހިންދީ ލަވައަކަށް ދެ ބޭފުޅުން ނައްޓަވައި މަޖާކުރައްވާ ތަނެވެ.
Thank you once again! I’m wishing you a joyous birthday today and a prosperous year to come! @shippeshifaz #HBD2U #Dems pic.twitter.com/rtfnyUeXpO
— Mirer(z) Ahmed 🩵 (@mirerz) June 16, 2023
ޝިފާޒަކީ އެމްޑީޕީގެ ޗެއާޕާސަންގެ މަގާމު ވެސް ކުރިން އަދާކުރެއްވި ބޭފުޅެކެވެ. ރައީސް އޮފީހުގެ މިނިސްޓަރަކަށް ހުންނަވައިގެން އޭނަ، ރައީސް އިބްރާހީމް މުހައްމަދު ސޯލިހާއި ސަރުކާރާ ދެކޮޅަށް މަަސައްކަތް ކުރައްވަން ފެއްޓެވުމުން މާޗް މަހުގެ ތެރޭގައި ވަނީ މަގާމުން ވަނިކޮށްފަ އެވެ. އެކަމާ ގުޅިގެން ޝިފާޒަށް ހިތްވަރު ދެއްވައި ނަޝީދު ވިދާޅުވެފައި ވަނީ މަގާމުން ވަކި ކުރިއަސް ކަންބޮޑުވެވަޑައިގަންނަވާނެ ކަމެއް ނެތް ކަމަށާއި މުސްތަގުބަލު އޮތީ ކުރިއަށް އޮތް ކަމަށެވެ.
ނަޝީދު ރަސްމީ ހައިސިއްޔަތުން ކުރައްވަން ޖެހިވަޑައިގަންނަވާ މަސައްކަތްތަކަށް ވުރެ ބޮޑަށް މިހާރު ފެންނަނީ "އެމްޑީޕީ ގަޑުބަޑުކޮށްލެއްވުމަށް ފަހު" މިފަދަ ކޮންމެވެސް "ކުޅިވަރެއްގައި" އުޅުއްވާ ތަނެވެ.