ކުރީގެ ރައީސް މުހައްމަދު ނަޝީދުގެ އަޑުން ކިޔުއްފައިވާ ލަވައެއް ސޯޝަލް މީޑިއާގައި އާންމުކޮށްފި އެވެ.
މި ލަވަ މިއަދު އާންމުކޮށްފައި ވަނީ ނަޝީދު ގެންގުޅުއްވާ ކަމަށް ތުހުމަތުކުރާ ހަސަން ކުރުސީގެ ޓްވިޓާގަ އެވެ. ލަވަ ޓްވީޓްކޮށް އެ ރޭޓްކޮށް ދޭން ވެސް އެދިފައިވެ އެވެ. ނަޝީދު ކިޔުއްވާފައި މި ލަވަ އަކީ ކުރީގެ މަޝްހޫރު ލަވަކިޔުންތެރިޔާ އުމަރު ޒާހިރު "ހަންހާރަ" އަލްބަމްގައި ހިމެނޭ ލަވަތަކުގެ ތެރެއިން "ލޯބީގެ ހާދިސާ" އެވެ.
އުމަރުގެ ލަވައާ އެއްގޮތަށް ނަޝީދުގެ ވާޝަން އަކީ ހަމަ ވަރަށް އަސަރުގަދަކޮށް ކިޔާފައިވާ ލަވައެކެވެ. ލަވައިގައި ހުރިވަރެއް އެނގޭނީ އަޑު އަހައިލީމަ އެވެ.
Beautiful singing by @MohamedNasheed. Please listen and rate.
— Hassan Kurusee (@HKurusee) June 17, 2023
ޔަގީނުން ވެސް މި ލަވަ ނަޝީދުގެ ތަގުރީރުތައް އަޑުއަހަން ޝައުގުވެރިވާ މީހުންނަށް ވަރަށް ކަމުދާ އެއްޗަކަށް ވާނެ އެވެ.