އަންނަ ބުދަ ދުވަހު އިންޑިޔާގެ ބެންގަލޫރުގައި ފަށާ ސާފް ޗެމްޕިއަންޝިޕުގައި ވާދަކުރާ ދިވެހި ގައުމީ ޓީމު ރޭ އެ ގައުމަށް ފުރައިފި އެވެ.
މި މުބާރާތަށް ތައްޔާރުވުމުގެ ގޮތުން ދިވެހި ޓީމް ޖަޕާނުގައި ތަމްރީނުތަކެއް ވެސް ހެދި އެވެ.
ސާދަ ވަނަ ސާފް ޗެމްޕިއަންޝިޕް ކުރިއަށް ދާނީ މި މަހުގެ 21 އިން އަންނަ މަހުގެ 4 އާ ހަމައަށެވެ.
މި މުބާރާރުގައި މި ފަހަރު މުޅިން އަލަށް ދެ ގައުމަކުން ވާދަކުރާ އިރު، ޖުމްލަ 8 ޓީމް ހިމެނެ އެވެ. އަލަށް ފުރުސަތު ލިބުނު ދެ ޓީމަކީ ލުބުނާނާއި ކުވައިތެވެ. މުބާރާތުގައި ދެން ވާދަކުރާ ޓީމުތަކަކީ ރާއްޖެ އާއި އިންޑިއާ އާއި ޕާކިސްތާނާއި ނޭޕާލާއި ބޫޓާން އަދި ބަންގްލަދޭޝް އެވެ.
ދެ ގްރޫޕަކަށް ބަހާލައިގެން ކުރިއަށް ގެންދާ މުބާރާތުގައި ރާއްޖެ ހިމެނެނީ ގްރޫޕް ބީގަ އެވެ. އެ ގްރޫޕްގައި ދެން ހިމެނެނީ ލުބްނާން، ބޫޓާން އަދި ބަންގްލަދޭޝް އެވެ.
ރާއްޖެ ސާފް ޗެމްލިއަންޝިޕްގެ 2008 އާއި 2018 ގެ ޗެމްޕިއަނެވެ.