ރާއްޖޭގެ ގިނަ ބައެއްގެ މަގްބޫލްކަން ހޯދާފައިވާ މަޝްހޫރު ލަވަކިޔުންތެރިއާ މިޝީ އާޠިފް މާދަމާ ރޭ ސީހައުސް އައްޑޫގައި ލައިވްކޮށް ޝޯވްއެއް ދިނުމަށް ހަމަޖެހިފައިވާ ކަމަށް ސީހައުސްއިން ބުނެފިއެވެ.
މާދަމާ ރޭ 9 ޖަހާއިރު ފެށުމަށް ހަމަޖެހިފައިވާ ޝޯވް ވަނީ އާއްމުކޮށް ހުޅުވާލާފައެވެ.
ސީހައުސް އައްޑޫ މިދިޔަ އޮގަސްޓް މަހުގެ 28 ވަނަ ދުވަހު ހުޅުވުމާއި ގުޅިގެން، ގިނަ ބަޔަކު ދަނީ އެކެފޭއަށް ޒިޔާރަތްކުރަމުންނެވެ. އަދި މިވަގުތު އައްޑޫ ޒުވާނުންގެ މެދުގައި އެންމެ މަގްބޫލް ކެފޭގެ ގޮތުގައި ސީހައުސް ވަނީ މަޝްހޫރުވެފައެވެ.
ސީހައުސް އައްޑޫގައި މީގެ ކުރިން މަޝްހޫރު ލަވްކިއުންތެރިއާ ޝިއުޒް ވަނީ ލައިވް ޝޯވްއެއް ބާއްވާފައެވެ. މި ޝޯވްއަށްވެސް ގިނަ ބައެއްގެ ތަރްހީބްވަނީ ލިބިފައެވެ.