އައްޑޫ ފޭދޫ ސްކޫލްގައި 15 އަހަރު މަސައްކަތްކުރި ބިދޭސީ ޓީޗަރަކު މިއަދު އެތަނުން ރިޓަޔާކޮށްފި އެވެ.
ފޭދޫގައި ހުންނަ ހަމައެކަނި ސްކޫލްގެ ބިޑްނެސް ޑިޕާޓްމަންޓްގެ ހެޑެއްގެ ގޮތުގައި ގިނަ އަހަރުތަކެއް ވަންދެން ހިދުމަތް ކުރުމަށް ފަހު ރިޓަޔާކުރީ އިންޑިއާގެ ޓީޗަރެއް ކަމަށްވާ ވީ ސަތިއަނަދަމް އެވެ. ފޭދޫ ސްކޫލުން ބުނީ އެތަނުގެ އެކައުންޓިން ޓީޗަރެއްގެ ގޮތުގައި މަސައްކަތްކުރި އަދި ދަރިވަރުންގެ ލޯތްބާއި އިހުތިރާމު ހޯދާފައިވާ ޓީޗަރާ އެކީ އޯ ލެވެލް އިމްތިހާނުތަކުގައި އެ ސްކޫލުން މިހާތަނަށް ބޮޑު ކުރިއެރުމެއް ހޯދާފައިވާ ކަމަށެވެ.
ފޭދޫ ސްކޫލަށް 15 އަހަރު ހިދުމަތް ކުރުމަށް މިއަދު އެތަނުން ސަތިއަނަދަން ރިޓަޔާކުރުމާ ގުޅިގެން އޭނަ އަށް ހާއްސަ ފެއާވެލްއެއް ސްކޫލްގެ މެނޭޖްމަންޓްގެ ފަރާތުން ކިޔާފައިވެ އެވެ. އަދި އޭނަ އަށް ސްކޫލްގެ ފަރާތުން ކާމިޔާބީ އާއި ކުރިއެރުމަށް އެދިފައިވެ އެވެ.
ސަތިއަނަދަމް ވަނީ ފޭދޫ ސްކޫލްގައި ހޭދަކުރި 15 އަހަރާ އެކީ ރާއްޖޭގައި 22 އަހަރު ހިދުމަތްކޮށްފަ އެވެ.