އިންޑިއާގެ ބެންގަލޫރްގައި މިހާރު ކުރިއަށްދާ ސާފު ޗެމްޕިއަންޝިޕްގައި ރާއްޖެ ކުޅުނު ފުރަތަމަ މެޗުން މޮޅުވެ، ހަމަޖެހިލައިފި އެވެ.
ރޭ ބޫޓާނާ ދެކޮޅަށް ކުޅުނު މެޗް ރާއްޖެ އިން ކާމިޔާބުކުރީ 2-0 އިންނެވެ. ރާއްޖޭގެ ގޯލްތައް ޖަހައި ދިނީ ހަމްޒާ މުހައްމަދު (ހަމްޕު) އާއި ނާއިޒް ހަސަން (ދާދު) އެވެ. މި ކުޅުންތެރިން ޖެހި ލަނޑުތަކަށް ބަލާ އިރު، ހަމްޕް ގޯލް ކާމިޔާބުކޮށް، ރާއްޖޭގެ ޓީމަށް އުފާވެރިކަން ގެނެސްދިނީ މެޗްގެ ހަ ވަނަ މިނިޓްގައި އަމިއްލަ އަށް ހޯދި ޕެނަލްޓީ ކާމިޔާބުކޮށްގެންނެވެ.
ރާއްޖެ ޓީމްގެ ދެވަނަ ލަނޑު ދާދު ކާމިޔާބުކޮށް ދިނީ މެޗުން ނިމެން ގާތްވެފައި ވަނިކޮށް 90 ވަނަ މިނިޓްގަ އެވެ.
މުބާރާތުގައި ކުޅުނު ފުރަތަމަ މެޗުން ރާއްޖެ މޮޅުވީ ތިން ޕޮއިންޓާ އެކީގަ އެވެ.
މިދިޔަ ބުދަ ދުވަހު ފެށި ސާފް ޗެމްޕިއަންޝީޕްގައި ވާދަކުރަނީ ގައުމެކެވެ. އެއީ ރާއްޖެ، އިންޑިއާ، ޕާކިސްތާން، ނޭޕާލް، ބޫޓާން، ކުވައިތު އަދި ލުބްނާނެވެ. މުބާރާތް ކުރިއަށް ދާނީ އަންނަ މަހުގެ 4 އާ ހަމައަށެވެ.
ރާއްޖެ އަކީ ސާފް ޗެމްލިއަންޝިޕްގެ 2008 އާއި 2018 ގެ ޗެމްޕިއަނެވެ.