ބޭނުން ވަނީ ދުނިޔެ އިން ވެސް ވަރަށް މަދުން ފެންނަ ބައްޔެއް ތަހައްމަލު ކުރަމުންދާ ދަރިފުޅު، ޢާއިޝާ ޒިވިއާ ފަޒްމީނުގެ ބޭސްފަރުވާ އަށް ދީލަތި އެހީއެކެވެ. މިއީ ތުއްތު ޒިވިއާގެ މަންމަ ފިޔާޒާ މޫސާ ދީދީގެ މިވަގުތުގެ އެންމެ ބޮޑު އާދޭހެވެ.
ޒިވިއާ އަކީ ދުނިޔެ އިން ވެސް މަދުން ފެންނަ ބައްޔެއް ކަމަށްވާ މެޓަކްރޮމެޓިކް ލިކޮޑިސްޓްރޮފީގެ ބަލި ތަހައްމަލް ކުރަމުން އަންނަ ކުއްޖެކެވެ. މި ބަލިއަކީ އަވަސް ފަރުވާ ނުދެވިއްޖެނަމަ، ފުރާނަ އަށް ނުރައްކާވެދާނެ ބައްޔެކެވެ. މި ބަލިއަށް އޮތް ހަމައެކަނި ފަރުވާއަކީ ސްޓެމް ސެލް ޓްރާންސްޕްލާންޓް ހެއްދުމެވެ.
ޒިވިއާގެ މަންމަ ބުނިގޮތުގައި މިވަގުތު މިޓްރާންސްޕްލާންޓް ހެދުމުގެ ފަރުވާއަށް 43،000 ޑޮލަރު ނުވަތަ 663،060 ރުފިޔާ ހޭދަވާނެކަމަށް ކްރިސްޓިއަން މެޑިކަލް ކޮލެޖް، ވެއްލޫރު އިން މައުލޫމާތު ދީފައިވާ ކަމަށެވެ. އެހެންކަމުން އާންމުންގެ ދީލަތި އެހީއަށް ޒިވިއާގެ އާއިލާ އިން ވަނީ އެދިފަ އެވެ. އެހީދޭން ބޭނުންވާ ފަރާތްތަކުން:
ބީއެމްއެލް ރުފިޔާ އެކައުންޓް ނަމްބަރު: 7702303135101 (ފިޔާޒާ މޫސާ ދީދީ)
ބީއެމްއެލް ޑޮލަރު އެކައުންޓް ނަމްބަރު: 7730000534579 (ފިޔާޒާ މޫސާ ދީދީ)
ގުޅޭނެ ނަމްބަރު: 919042541633+
މާތް ނަބިއްޔާ މުޙައްމަދު ޞައްލަﷲ ޢަލައިހި ވަސައްލަމްގެ ޙަދީޘެއްގެ މާނައިގައިވެ އެވެ.
"އަދި އެމީހެއްގެ އަޚާގެ ކިބައިން ދުނިޔެ މަތީގައި ދަތިކަމެއް ފިލުވައިދީފި މީހަކަށް، އެމީހަކަށް ޤިޔާމަތްދުވަހުން ޖެހޭ މުޞީބާތްތަކުގެ ތެރޭން މުޞީބާތެއް ﷲ ފިލުއްވައިދެއްވާހުއްޓެވެ. އަދި އުނދަގުލެއް ޖެހިފައިވާ މީހާއަށް ފަސޭހަކޮށްދީފިމީހަކަށް، ﷲ އެމީހަކަށް ދުނިޔެމަތީގަޔާއި އާޚިރަތުގައި ފަސޭހަކޮށްދެއްވާނެއެވެ. އަދި މުސްލިމެއްގެ (ޢައިބު ފޮރުވައިދީފިމީހާ)ގެ ޢައިބު، ދުނިޔެއާއި އާޚިރަތުގައި ﷲ އެމީހެއްގެ ޢައިބުފޮރުވައިދެއްވާ ހުއްޓެވެ. އަދި ހަމަކަށަވަރުން އެމީހެއްގެ އަޚާއަށް އެހީވުމުގެ މަތީގައި ހުންނަމީހާއަށް އެހީތެރިވޮޑިގަތުން މަތީގައި ﷲ ވޮޑިގެންވެއެވެ." [رواه مسلم في صحيحه: 2699]