ކޮވިޑްގެ ތެރޭގައި އެ ބޭފުޅެއްގެ ވާހަކަ މީޑިއާތަކުގައި ވަރަށް ބޮޑަށް ދެކެވުނު އެމެރިކާގެ ނެޝަނަލް އިންސްޓްޓިއުޓް އޮފް އެލަޖީ އެންޑް އިންފެކްޝަސް ޑިޒީސް (އެންއައިއޭއައިޑީ) ގެ ކުރީގެ ޑިރެކްޓަރު ޑރ. އެންތަނީ ފައުޗާ އާ މަގާމަކާ ހަވާލުވެވަޑައިގެންފި އެވެ.
ކުރިން ހުންނެވި މަގާމުން މިދިޔަ އަހަރު އިސްތިއުފާ ދެއްވި 82 އަހަރުގެ ފައުޗީ އަންނަ މަހުގެ 1 އިން ފެށިގެން މަސައްކަތް ކުރައްވަން ހަމަޖެހިފައި ވަނީ ޖޯޖްޓައުން ޔުނިވަސިޓީ ސްކޫލް އޮފް މެޑިސިންގެ ޑިސްޓިންގްއިޝްގް ޔުނިވަސިޓީ ޕްރޮފެސަރެއްގެ ގޮތުގަ އެވެ.
އެންއައިއޭއައިޑީން ފައުޗީ އިސްތިއުފާ ދެއްވީ މިދިޔަ އަހަރުގެ ޑިސެމްބަރު މަހުގެ ތެރޭގަ އެވެ. އެތަނުގެ ޑިރެކްޓަރުގެ މަގާމުން އޭނަ ވަކިވެވަޑައިގެންނެވީ 38 އަހަރު ހިދުމަތް ކުރައްވައިފަ އެވެ.
ފައުޗީ އަކީ ކޮވިޑްގެ ތެރޭގައި އެމެރިކާގެ ސަރުކާރުން އޭރުގެ ރައީސް ޑޮނަލްޑް ޓްރަމްޕް ގެންގުޅުއްވި ސިޔާސަތުތަތަކަށް ވަރަށް ބޮޑަށް ފާޑު ވިދާޅުވި ބޭފުޅެކެވެ. އެކަމާ ހެދި އޭނަ އަށް މަރުގެ އިންޒާރު ވެސް ލިބި، މަގާމުން ދުރުކުރައްވާނެކަމުގެ އިންޒާރު ވެސް ލިބިވަޑައިގަތެވެ.