މާލޭގެ ރައްޔިތުންނަށް ދިމާވެފައިވާ ބޯހިޔާވަހިކަމުގެ މައްސަލަ ހައްލުކުރަން މި ސަރުކާރުން ގޯތި ދިނުމަކީ އިންގިލާބީ ބަދަލެއް ކަމަށް މޯލްޑިވްސް ޑިވެލޮޕްމަންޓް އެލަޔަންސް (އެމްޑީއޭ) ގެ ލީޑަރު އަހުމަދު ސިޔާމު މުހައްމަދު ވިދާޅުވެއްޖެ އެވެ.
ސަރުކާރުގެ "ބިންވެރިޔާ" ގެ ޕްރޮގާމްގެ ދަށުން މާލެ އިން ގޯތި ލިބުނު ބައެއްގެ ލިސްޓް ސަރުކާރުން އާންމުކުރުމާ ގުޅިގެން އެމްޑީީޕީއާ އެކީ މި ފަހަރުގެ ރިޔާސީ އިންތިހާބަށް ކޯލިޝަން ހެދި ޕާޓީގެ ލީޑަރު ކުރެއްވި ޓްވީޓެއްގައި ވަނީ ރައީސް އިބްރާހީމް މުހައްމަދު ސޯލިހަށް ވަރަށް ބޮޑަށް ޝުކުރު ވެސް އަދާކުރައްވައިފަ އެވެ.
އަޅުގަނޑު ހަނދާން ހުންނަންފެށީއްސުރެވެސް އޮތް އެންމެބޮޑު މައްސަލަ މާލޭ ރައްޔިތުންގެ ގޯތީގެ މަައްސަލައަށް އިންގިލާބީ ހައްލެއް ގެނެސްދެއްވާ މާލޭ ސަރަހައްދުގެ އެންމެ ބޮޑު މައްްސަލައިގެ ނިޒާމަށް މިގެނެސްްދެއްވި ބަދަލަށްޓަކައި ރައީސުލް ޖުމްޙޫރިއްޔާ @ibusolih އަށް އަޅުގަނޑުގެ ހިތުގެ…
— Ahmed Siyam Mohamed, MP (@Sun_Siyam) June 26, 2023
"އަޅުގަނޑު ހަނދާން ހުންނަން ފެށީއްސުރެ ވެސް އޮތް އެންމެބޮޑު މައްސަލަ މާލޭ ރައްޔިތުންގެ ގޯތީގެ މަައްސަލައަށް އިންގިލާބީ ހައްލެއް ގެނެސް ދެއްވައި މާލޭ ސަރަހައްދުގެ އެންމެ ބޮޑު މައްސަލައިގެ ނިޒާމަށް މި ގެނެސްދެއްވި ބަދަލަށްޓަކައި ރައީސަށް އަޅުގަނޑުގެ ހިތުގެ އިހްލާސްތެރި ޝުކުރާއި މަރުހަބާ ދަންނަވަން." ދ. މީދޫ ދާއިރާގެ މަޖިލިސް މެމްބަރު ވިދާޅުވި އެވެ.
ގޯތި ލިބުނު މީހުންގެ ލިސްޓް އާންމުކޮށް، އަންނަ މަހުގެ 15 އާ ހަމައަށް ވަނީ ލިސްޓަށް ޝަކުވާ ހުށަހެޅުމުގެ ފުރުސަތު ހުޅުވާލައިފަ އެވެ.