ބޮޑު އީދު ޗުއްޓީ އަށް އަނބިކަނބަލުންގެ ރަށް، ފުވައްމުލަކަށް ވަޑައިގަތުމުން ފެނިވަޑައިގަތް އެންމެ ހާއްސަ ކަންތައްތަކަކީ މި ސަރުކާރުން އެ ސިޓީ އަށް ކުޅިވަރުގެ ދާއިރާ އުން ގެނެސްދީފައި އޮތް ތަރައްގީ އާއި ކުރިއެރުން ކަމަށް ޔޫތު މިނިސްޓަރު އަހުމަދު މަހްލޫފު ވިދާޅުވެއްޖެ އެވެ.
ފުވައްމުލަކުގެ ކުޅިވަރު ބައެއް ފެސިލިޓީތަކުގެ ފޮޓޯތަކާއި މިހާތަނަށް ނިންމާފައި ހުރި މަޝްރޫއުތަކާއި ކުރިއަށްދާ މަޝްރޫއުތަކާއ އަދި ރޭވިފައި ހުރި ބައެއް ކަންކަން ލިސްޓްކުރައްވައި އޭނަ ސޯޝަލް މީޑިއާގައި ރޭ ވިދާޅުވީ "އީދު ޗުއްޓީއަށް ފުވައްމުލަކަށް އައިސް ބަލާލި އިރު ކަމަކުދާކަށް ނެތް." ކަމަށެވެ.
އީދު ޗުއްޓީއަށް ފުވައްމުލަކަށް އައިސް ބަލާލިއިރު ކަމަކުދާކަށްނެތް.
• ބޮޑު ފުޓުބޯޅަ ދަނޑު ނިމިފަ. ކައުންސިލް އާއި ހަވާލުކުރި ދެވަނަ ދަނޑު ވީއެންމެ އަވަހަކަށް ނިންމުމުގެ މަސައްކަތް މިނިސްޓްރީގެ ޓީމުން އެބަކުރޭ.⚽️
• 3 ކޯޓުގެ ބެޑްމިންޓަން ސެންޓަރު ނިމިފަ. 🏸
• ޓީޓީ ސެންޓަރު… pic.twitter.com/fieB6wEnfr— Ahmed Mahloof (@AhmedMahloof) June 29, 2023
ދެން މަހްލޫގް ހިއްސާކޮށްލެއްވީ ބޮޑު ލިސްޓެކެވެ.
* ބޮޑު ފުޓުބޯޅަ ދަނޑު ނިމިފައި
* ކައުންސިލާ ހަވާލުކުރި ދެވަނަ ދަނޑު ވީއެންމެ އަވަހަކަށް ނިންމުމުގެ މަސައްކަތް މިނިސްޓްރީގެ ޓީމުން އެބަކުރޭ
* 3 ކޯޓުގެ ބެޑްމިންޓަން ސެންޓަރު ނިމިފައި
* ޓީޓީ ސެންޓަރު ނިމިފައި
* 2 ފުޓްސަލް ދަނޑު ނިމިފައި
* އިތުރު ބައެއް ދަނޑުތައް ހެދުމަށް މަޝްވަރާ ކުރިއަށް
* ވޮލީ ކޯޓު ނިމިފައި
* ކުޑަކުދިންގެ ޕާކު ނިމިފައި
* ސާފް ޝެކް ނިމިފައި
* އައުޓްޑޯ ޖިމް ނިމިފައި
* ސްކޭޓް ޕާކް ކޮންޓްރެކްޓުގައި ސޮއިކޮށްފައ އީދު ނިންމާފަ ފަށަނީ
* ސިންތެޓިކް ޓްރެކްގެ ބިޑް ނެގުން 16 ޖުލައިގައި ،އިރާދަކުރެއްވިއްޔާ ދެން މާލަސް ނުވެ އަމަލީ މަސައްކަތް ފެށޭނެ
* އިންޑޯ ސްޕޯޓްސް ކޮމްޕްލެކްސް ޓެންޑަރިނގް އަށް ފިނޭންސް އަށް ފޮނުވިފައި
މަހުލޫފު ވިދާޅުވާ ގޮތުގައި ކުޅިވަރުގެ އިންފްރާންސްޓްރަކްޗާ ތަރައްގީކުރުމުގެ އިތުރަށް އެކި ކުޅިވަރުތައް ކުރިއަރުވަން މި ސަރުކާރުން ކުރި ވަރުގެ މަސައްކަތްތަކެއް ރާއްޖޭގައި މިހާތަނަށް ކުރެވިފައެއް ނުވެ އެވެ. އެހެންވެ ރައީސް އިބްރާހީމް މުހައްމަދު ސޯލިހަށް ވެރިކަމުގެ ދެވަނަ ދައުރެއް ދޭން ޖެހޭނެ ކަމަށް ވިދާޅުވެ އެވެ.
މަހުލޫފްގެ އަނބިކަނބަލުން ނިސްބަތްވާ ފުވައްމުލަކީ ނައިބު ރައީސް ފައިސަލް ނަސީމުގެ ވެސް ސިޓީ އެވެ. މަހުލޫފްގެ އަނބިކަނބަލުންނަކީ ފައިސަލްގެ ކޮއްކޮއެކެވެ.