މޯލްޑިވްސް ރިފޯމް މޫވްމަންޓު (އެމްއާރުއެމް) އުވާލަން ނިންމި މައްސަލަ އެ ޕާޓީން ސިވިލް ކޯޓަށް ހުށަހަޅައިފި އެވެ.
ގާނޫނުގައި ބުނާ މިންވަރަތަށް ޕާޓީގައި 3،000 މެމްބަރުން ހަމަނުވެގެން ކުރީގެ ރައީސް މައުމޫން އަބްދުލް ގައްޔޫމްގެ ޕާޓީ އުވައިލަން އިލެކްޝަން ކޮމިޝަން (އީސީ) އިން ނިންމީ މިދިޔަ މެއި މަހުގެ 24 ގަ އެވެ.
އެމްއާރްއެމުން ސިވިލް ކޯޓަށް ހުށަހެޅީ އެ ނިންމުން ބާތިލުކޮށް ދިނުމަށް އެދި އެވެ.
އީސީގެ ނިންމުން ބާތިލުކުރުމަށް އެދި 30 ދުވަހުގެ ތެރޭގައި ސިވިލް ކޯޓަށް މައްސަލަ ހުށަހަޅާނެ ކަމަށް އެ ޕާޓީން ކޯޓުގައި ބުނެފައިވާތީ، އީސީގެ ނިންމުމަށް އަމަލުކުރުން މަޑުޖައްސާލުމުގެ ވަގުތީ އަމުރު ނެރެދީފައި އޮތީ 30 ދުވަހަށެވެ. އަދި އަމުރު މުރާޖައާކޮށްދިނުމަށް އީސީގެ ފަރާތުން އެދުނެވެ. ނަމަވެސް މިދިޔަ މަހުގެ 23 ގައި ސިވިލް ކޯޓުން ނިންމީ އެ އަމުރު މުރާޖައާ ކުރެވެން ނެތް ކަމަށެވެ.
އެމްއާރްއެމުން ބުނީ މައްސަލަ ކޯޓަށް ހުށަހެޅީ މިދިޔަ މަހުގެ 22 ގައި ކަމަށެވެ. ނަމަވެސް އެ ދަނޑިވަޅާއި އީދު
އީދު ބަންދު ދިމާވުމުން، މައްސަލަ ބަލައިގަތުމާ މެދު ކޯޓުން އަދި ވަކި ގޮތެއް ނުނިންމަ އެވެ.