ޕީޕީއެމްގެ ޓިކެޓުގައި ރިޔާސީ އިންތިހާބުގައި ވާދަކުރައްވާ ކުރީގެ ރައީސް އަބްދުﷲ ޔާމީންގެ ކެމްޕޭން ސްލޯގަންއަކަށް "ދިވެހީންގެރާއްޖެ" ހަމަޖައްސައިފިއެވެ.
ޕީޕީއެމް – ޕީއެންސީ ކޯލިޝަންގެ ލީޑަރު ކުރީގެ ރައީސް ޔާމީންގެ ކެމްޕޭން ހަރަކާތްތައް ފަށާފައިވާއިރު ރަސްމީ ސްލޯގަން އަދި ޑިޒައިން އެޕާޓިން ކަނޑައަޅާ ވަނީ އާންމުވެސް ކޮށްފައެވެ.
"ދިވެހީންގެރާއްޖެ" ސްލޯގަންއާ ގުޅޭގޮތުން ނައިފަރު ދާއިރާގެ މެންބަރު އަހުމަދު ޝިޔާމް ވިދާޅުވީ، މިއަދު އޮތީ ދިވެހީންގެ ރާއްޖެ ދިވެހީންނަށް ހޯދައިދޭން ޖެހިފައި ކަމަށެވެ. އަދި އެކަން ކުރެވޭނެ ހަމައެކަނި ލީޑަރަކީ ރައީސް އަބްދުﷲ ޔާމީން ކަމަށެވެ.
މިއަދު މިއޮތީ ދިވެހީންގެ ރާއްޖެ ދިވެހީންނަށް ހޯދައިދޭން ޖެހިފައި. މިކަން ކުރެއްވޭނެ ލީޑަރަކަށް ފެންނަ ހަމައެކަނި ލީޑަރަކީ @ProgressPartyMV ގެ ރިޔާސީ ކެންޑިޑޭޓު ރައީސް ޔާމީން. #DhiveheengeRaajje#RY2023 pic.twitter.com/fJMn630d45
— Ahmed Shiyam (@Shiyamaldives) July 6, 2023
ރައީސް ޔާމީންގެ ކެމްޕޭން ހަރަކާތްތައް އިދިކޮޅުން ފަށާ މާލޭގައި ދޮރުން ދޮރަށް ހަރަކާތްވެސް ވަނީ ކުރިއަށް ގެންގޮސްފައެވެ.
މީގެއިތުރުން މިއަދު ވަނީ ރައީސް ޔާމީންގެ ރިޔާސީ ކެމްޕޭން ހއ، ހދ, ށ، އަތޮޅު އަދި ކުޅުދުއްފުށި ސިޓީ ގައި ފެށުމުގެ ބައްދަލުވުން ވެސް ކުރިއަށް ގެންގޮސްފައެވެ.