ކައްދޫ އެއާޕޯޓް ކޮމްޕެނީ ލިމިޓެޑުގެ ޑިރެކްޓަރުންގެ ބޯޑަށް އައްޑޫ މަރަދޫފޭދޫ މީހަކު އައްޔަންކޮށްފި އެވެ.
މިދިޔަ މަހުގެ 22 ގައި ޕްރައިވަޓައިޒޭޝަން އެންޑް ކޯޕަރަޓައިޒޭޝަން ބޯޑް ޕީސީބީ) އިން އައްޔަންކުރީ މަރަދޫފޭދޫ ލަކްސަމީވިލާ ލިމިޓެޑުގެ ކާނަލް ޝަރީފެވެ.
އޭނަ އަކީ އެމެރިކާގެ މެރިން ކޯ ޔުނިވަސިޓީން މާސްޓަސް އިން މިލިޓަރީ ސައިންސް ޙާޞިލުކުރައްވާފައިވާ ބޭފުޅެކެވެ. އެވެ. އަދި ދުނިޔޭގެ އެކި ގައުމުތަކުން މިލިޓަރީ ދާއިރާއިންނާއި މެނޭޖްމަންޓް ދާއިރާއިން ތަމްރީންތައް ފުރިހަމަކުރައްވާފައިވެ އެވެ.
ކާނަލް ޝަރީފް ވަނީ އެމްއެންޑީއެފްގެ އެކި މަގާމުތައް ކުރިން ފުރުއްވައިފަ އެވެ. އޭނަ މީގެ ކުރިން ކައްދޫ އެއާޕޯޓް ކޮމްޕެނީ ލިމިޓެޑްގެ މެނޭޖިން ޑިރެކްޓަރުގެ މަގާމު ވެސް ފުރުއްވި އެވެ. އެ ކުންފުނީގެ ޑިރެކްޓަރުންގެ ބޯޑަށް ޢައްޔަނުކުރެއްވުމާ ހަމައަށް ޝަރީފު ހުންނެވީ ޑިފެންސް މިނިސްޓްރީގެ ޑިފެންސް ޑިޕާޓްމަންޓް އޮފް ސްޓްރެޓެޖިކް ސެކިއުރިޓީ އެންޑް އެސެސްމަންޓްގެ ޕްރިންސިޕަލް ޑިރެކްޓަރުގެ މަގާމުގަ އެވެ.