ރާއްޖެ ޓްރާންސްޕޯޓް ލިންކް އާރްޓީއެލް) ގެ ދަށުން ދެމުން އަންނަ ފެރީގެ ހިދުމަތް ހުވަދު އަތޮޅުގައި ފެށުމަށްޓަކައި ބަން ލޯންޗްތައް އިއްޔެ އެ އަތޮޅަށް ގެންގޮސްފި އެވެ.
ހުވަދޫގެ ހިދުމަތަށް ހަ ލޯންޗް ބޭނުންކުރަން ހަމަޖެހިފައިވާ އިރު، ހިދުމަތް މި މަހުގެ 13 ވަނަ ދުވަހު ރަސްމީކޮށް ފަށަން މިހާރު އޮތީ ތައްޔާރުވެފަ އެވެ. އަލްޝާލީ މެރިންއާ ހަވާލުކޮށްގެން ބަން ފެރީތައް އެމްޓީސީސީން ޓެސްޓްކުރީ މިދިޔަ މަހުގެ ތެރޭގަ އެވެ. މި މަހުގެ 23 ގައި ހިދުމަތް ފެށުމަށް ފަހު، 19 އާ ހަމައަށް ދަތުރުތައް ހިލޭ ކުރެވޭނެ ކަމަށް އެމްޓީސީސީން ބުންޏެވެ. އަގު ނަގަން ފަށާނީ އޭގެ ފަހުންނެވެ. އަދި ފަހުން އަގުތައް އިއުލާންކުރާނެ އެވެ.
އާރްޓީއެލްގެ ފެެރީގެ ހިދުމަތަށް އެމްޓީސީސީން ވަނީ ހުވަދޫގައި ދޭން 80 އަަށް ވުރެ ގިނަ މުވައްޒަފުން ނަގައި އެ މުވައްޒަފުން ތަމްރީނު ކުރަމުންނެވެ.
ފެރީ ނިޒާމުން ގދ. އާއި ގއ. އަތޮޅު ގުލައިލަން ތައްޔާރުވެފައިވާ އިރު، މި ދަތުތުރަކަށް އެ ދެ އަތޮޅުގެ އާންމުން ހޭލުންތެކުރުމަށް ޕްރޮގްރާމްތަކެއް ވެސް އެމްޓީސީސީ އާއި ޕްލޭނިން މިނިސްޓްރީން ހިންގާފައިވެ އެވެ. ޕްލޭނިން މިނިސްޓަރު އަސްލަމް ވިދާޅުވެފައިވާ ގޮތުގައި ހުވަދޫގައި އާރްޓީއެލް ފެރީގެ ހިދުމަތް ފެށުމަށް ފަހު، އެ ދެ އަތޮޅާއި ވަރަށް އައްޑު އާއި ފުވައްމުލައް ވެސް ވަރަށް އަވަހަށް ގުޅައިލާނެ އެވެ.
އެމްޓީސީސީން ބުނެފައި ވަނީ އަންނަ އަހަރު ނިމޭ އިރު، މުޅި ރާއްޖެ އޮންނާނީ ހަރުދަނާ ފެރީގެ ނިޒާމުން ގުޅާލެވިފައި ކަމަށެވެ.
މި ހިދުމަތް އެ ކުންފުނިން ފެށީ މިދިޔަ އަހަރު އެވެ. އާރްޓީއެލްގެ ހިދުމަތް މިހާރު ލިބެނީ ހއ، ހދ، ށ އަދި ޅ އަތޮޅުގަ އެވެ.