ދިވެހި މަޝްހޫރު ފަންނާނު ނިނާ މަނިކުގެ ކުރެހުމުގެ މައުރަޒެއް އާޓް ގެލެރީ މާލޭގައި ދައްކަން ފަށައިފިއެވެ.
ނިނާ މަނިކުގެ "އެތީރިއަލް" ނަމުން ނަން ދީފައިވާ މިމައުރަޒު އާޓް ގެލެރީ މާލޭގައި ދައްކަން ފަށާފައިވަނީ މިމަހުގެ 5 ވަނަ ދުވަހުގައެވެ. 2014 ވަނަ އަހަރު ނީނާ ފެށި މި މައުރަޒު މިމަހުގެ 23 ވަނަ ދުވަހާއި ހަމައަށް އާޓް ގެލެރީ މާލެއިން ދައްކަމުން ދާނެ ކަމަށް އެ ގެލެރީ އިން މައުލޫމާތު ދީފައިވެއެވެ.
މި މައުރަޒުން ނީނާގެ ބައެއް ކުރިން ނުފެންނަ މަސައްކަތްތައް ވެސް ފެނިގެންދާނެ ކަމަށް އާޓް ގެލެރީ މާލެއިން މައުލޫމާތު ދީފައިވެއެވެ.
ނިނާ މަނިކު މަޝްހޫރު ވެފައިވަނީ އެއިރަކު އޭނާގެ މިޒާޖު ރަމްޒުކޮށްދޭ ކުރެހުންތައް ފަންނުކޮށް ތަފާތު ކުރެހުންތައް ގެނެސްދޭ ފަންނާނެއްގެ ގޮތުގައެވެ. މިމައުރަޒުގައި ނީނާގެ 12 އަށް ވުރެ ގިނަ ކުރެހުން ހިމަނާފައިވާއިރު ކުރެހުންތަކުން ރޫހާނީ އަދި ހުވަފެނީ އިހުސާސުތައް ބަލާ މީހާއަށް ކުރެވޭނެ ކަމަށް އޭނާ ދެކެއެވެ.
މިހާރު ދައްކަމުން އަންނަ "އެތީރިއަލް" މައުރަޒަކީ މާލޭގައި ދައްކާ ނިނާގެ ދެވަނަ އަމިއްލަ މައުރަޒެވެ.