އައްޑޫ އިކްއެޓޯރިއަލް ހޮސްޕިޓަލް (އޭއީއެޗް) ގައި މުޅިން އަލަށް މާބަނޑު މީހުންނަށް ހާއްސަ ކަސްރަތު ކްލާސްތަކެއް ތައާރަފުކުރަން ނިންމައި އޭގައި ބައިވެރިވާން ހުޅުވާލައިފި އެވެ.
މިކަން ކުރިއަށް ގެންދަނީ އެ ހޮސްޕިޓަލްގެ އަންހެނުންގެ ހާއްސަ ކްލިނިކް "ހިޔަހެމި ކްލިނިކް" އިންނެވެ.
އޭއީއެޗުން ބުނި ގޮތުގައި މާބަނޑު މީހުންނަށް ތައާރަފުކުރާ ކަސްރަތު ކްލާސްތަކުގައި ދުޅަހެޔޮ މާބަނޑު ދުވަސްވަރަކަށާއި ފަސޭހަކޮށް ވިއުމަށް ތައްޔާރުވުމާއި ކެއުންބުއިމުގައި ގެންގުޅެންވާ ރަނގަޅު އާދަތަކާއި ގާތުން ދިނުމާއި ދިމާވާ އާންމު ސިއްހީ ހާލަތްތަކާ ބެހޭ ސެޝަންތައް ކުރިއަށް ގެންދާނެ އެވެ.
އެހެންވެ މި ކްލާސްތަކުގައި ބައިވެރިވާން ބޭނުންވާ މާބަނޑު މީހުންނަށް މިހާރު "ހިޔަހެމި ކްލިނިކް" އަށް ގުޅައިގެން ނަން ނޯޓް ކުރެވޭނެ އެވެ. ނަމްބަރަކީ 7379951 އެވެ.