އަބޫދާބީގެ ކުރީގެ އަމީރު ޒައިދު ބިން ސުލްތޯން އަލް ނަހްޔާންގެ ހަނދާނުގައި ކޮންމެ އަހަރަކު ދެމުން އަންނަ "ޒައިދު ފިއުޗަ އެނާޖީ ޕްރައިޒް 2015" ގެ އެވޯޑަށް އައްޑޫ ހައި ސްކޫލް ޝޯޓްލިސްޓް ވެއްޖެއެވެ.
އައްޑޫ ހައިސްކޫލް ޝޯޓްލިސްޓް ވެފައިވަނީ އިޔާދަކުރުވަނިވި ހަކަތައައް ދޭ ހާއްސަ ސަމާލުކަމަކާއި ގުޅިގެން، އެކަމަށް ސްކޫލުން ކުރަމުންދާ މަސައްކާތާއި ގުޅިގެންނެވެ.
މި އެވޯޑަށް އައްޑޫ ހައި ސްކޫލް ޝޯޓްލިސްޓް ވުމާ ގުޅިގެން، އެވޯޑްގެ ސިލެކްޝަން ގްރޫޕްގެ ޓީމެއް އަންނަ ހޮނިހިރު ދުވަހު އައްޑު އަށް ޒިޔާރަތްކޮށް އިތުރު އިވަލުއޭޝަނެއް ހެދުމަށް ވަނީ ހަމަޖެހިފައެވެ. އަދި މީ މިކަމާއި ގުޅޭ ގޮތުން ހަދާ އެންމެ ފަހުގެ އިވަލުއޭޝަނެވެ.
ޒައިދު ފިއުޗަ އެނާޖީ ޕްރައިޒްގެ ފަނޑިޔާރުންގެ ތެރޭގައި ރާއްޖޭގެ ކުރީގެ ރައީސުލް ޖުމްހުރިއްޔާ މުހައްމަދު ނަޝީދު ހިމެނިވަޑައިގަންނަވައެވެ.
އައްޑޫ ހައި ސްކޫލުން ވަނީ އަމިއްލަ ޖަމިއްޔާއެއްކަމަށްވާ "ވެށި"އާ ގުޅިގެން ސްކޫލްގައި ސޯލާ ޕެނެލް ހަރު ކުރުމުގެ މަޝްރޫއެއް މިއަހަރުގެ ކުރީކޮޅު ވަނީ ފަށައިފަ އެވެ. އެގޮތުން 2.8 ކިލޯގެ ކަރަންޓް އުފެއްދޭ ސޯލާ ޕެނެލް ސްކޫލްގައި ވަނީ ހަރުކޮށްފަ އެވެ.