ރިޔާސީ އިންތިހާބަށް މިހާރު ކުރިއަށްދާ ކެމްޕޭންގެ ތެރެއިން މާލޭގައި ބާއްވާ ހަރުގެ ޖަލްސާތަކަށް އެމްޑީޕީން ބޭނުން ކުރާނީ، ކޯލިޝަން ބައިވެރިންގެ ތެރޭގައި ހިމެނޭ މޯލްޑިވްސް ޑިވެލޮޕްމަންޓް އެލައިންސް (އެމްޑީއޭ) ގެ ހަރުގެ ކަމަށް އެމްޑީޕީން ބުނެފި އެވެ.
މަޝްހޫރު ވިޔަފާވެރިޔާ އަހުމަދު ސިޔާމު މުހައްމަދު (ސަން ސިޔާމު) ގެ ޕާޓީ އަކީ މި އަހަރު އަލަށް އެމްޑީޕީއާ އެކީ ކޯލިޝަން ހެދި ޕާޓީއެކެވެ. އެ ކޯލިޝަންގައި ދެން ހިމެނެނީ އަދާލަތެވެ.
އިބުރޭ ވިދާޅުވި ގޮތުގައި އެތަނުގައި ވަރަށް އަވަހަށް ހަރަކާތްތައް ފެށިގެން ދާނެ ކަމަށެވެ.
އެމްޑީޕީން ކުރިން ބޭނުން ކުރަމުން އައި ހަރުގެ، އެ ޕާޓީން ވަކިވެ، ދަ ޑިމޮކްރެޓްސްގެ ނަމުގައި އާ ޕާޓީއެއް އުފެއްދި ޓީމުން ވަނީ އަތުލައިފަ އެވެ. އަދި އެ ހަރުގެ "ހައުސް އޮފް ޑިމޮކްރެޓްސް" ގައި ނަމުގައި ވަނީ ބޭނުން ކުރަން ފަށައިފަ އެވެ.