އައްޑޫ އެކުއެޓޯރިއަލް ހޮސްޕިޓަލަށް ފުލް ޓައިމް ކާޑިއޮލޮޖިސްޓެއް ގެނެސް، ހިތުގެ ބަލިތަކަށް ފަރުވާ ދޭން ފަށައިފިއެވެ.
އައްޑޫ އެކުއެޓޯރިއަލް ހޮސްޕިޓަލުން ހިތުގެ ބަލިތަކަށް ފަރުވާދެނީ މިވަގުތު އެންމެ ދާއިމީ ޑޮކްޓަރަކާއި އެކުގައެވެ. ނަމަވެސް ކުރިއަށް އޮތް ތަނުގައި ޑޮކްޓަރުން އިތުރު ކުރުމަށް ހޮސްޕިޓަލުން މަސައްކަތް ކުރަމުންދާ ކަމަށް އެ ހޮސްޕިޓަލުން ހާމަކުރެއެވެ. އަދި މިހާރު ޑޮކްޓަރަށް ދައްކަން އެޕޮއިންޓްމެންޓް ހައްދައި ދޭން ވަނީ ފަށާފައެވެ.
ހިތުގެ ބަލިތަކަށް ފަރުވާދޭ ކާޑިއޮލޮޖީ ޑިޕާޓްމެންޓުން މިވަގުތު ހޮސްޕިޓަލުން، ޓްރެޑްމިލް ޓެސްޓް، އިކޯ އިތުރުން ހޮލްޓަރ މޮނިޓަރ ބޭނުން ކޮށްގެން ހަދާ ޓެސްޓު ހެއްދޭނެ ކަމަށް އޭއީއެޗްއިން ބުނެއެވެ.
Introducing Cardiology service in AEH
Follow Our Journey!@presidencymv @MoHmv pic.twitter.com/Izkl026aWi
— Addu Equatorial Hospital (@aeh_mv) July 24, 2023
އޭއީއެޗްގެ ކާޑިއޮލޮޖީ ޑިޕާޓްމެންޓުން ދާއިމީކޮށް ޙިދުމަތް ދޭން ފެށިއިރު، ދެން އެންމެ އަވަހަށް ފެށިގެން ދާނީ ކެތް ލެބްގެ ޚިދުމަތް ކަމަށް އޭއީއެޗް އިން ބުނެއެވެ. މި ޑިޕާޓްމެންޓާއިއެކު 14 ޑިޕާޓްމެންޓަކުން މިވަގުތު ޚިދުމަތް ދެއެވެ. މީގެ ތެރޭގައި އަންހެނުންގެ ޑޮކްޓަރާއި، ޔޫރޯ، ކަށީގެ ބަލިތަކާއި، ލޮލުގެ ބަލިތަކާއި ދަތުގެ ފަރުވާއާއި، ހަމުގެ ބަލިތަކާއި ސައިކިއެޓްރީ އަދި އީއެންޓީ ހިމެނެއެވެ.
މީގެ އިތުރުން އިންޑިއާގެ މިއޮޓް ހޮސްޕިޓަލުގެ ތަޖުރިބާކާރު ޑޮކްޓަރުން ހޮސްޕިޓަލަށް ވަޑައިގެން ޤަވާއިދުން ބަލި މީހުން ބަލަމުން ގެންދެއެވެ.