އަންނަ އަހަރުގެ ބަޖެޓް އެކުލަވާލުމަށް ކައުންސިލުން ކުރަމުންދާ މަސައްކަތުގެ ތެރެއިން ހުޅުދޫ އަދި މީދޫގެ ތަފާތު ދާއިރާތަކުގައި މަސައްކަތް ކުރައްވާ ބޭފުޅުންނާއި ބައްދަލުކޮށް މަޝްވަރާކޮށްފިއެވެ.
ކައުންސިލުން ބުނީ، ބަޖެޓް ހަމަހަމަ އުސޫލަކުން، ފޯރުކޮށްދިނުމަށް ހުރިހާ ރަށެއްގެ އެކި ދާއިރާތަކާއި އެކު މަޝްވަރާ ކުރުމަށްފަހު، އަންނަ ޖެނުއަރީ 15އިގެ ކުރިން ބަޖެޓް މަޖްލިސްއަށް ފޮނުވާނެ ކަމަށެވެ.
އިއްޔެ ހުޅުމީދޫގައި ކުރިއަށް ގެންދިޔަ މަޝްވަރާތަކުގައި ރައްޔިތުން ވަނީ ހުލުމީދޫގެ ތަރައްޤީއަށް އެކަށީގެންވާ މަސައްކަތެއް ކައުންސިލުން ނުކުރެވޭ ކަމަށް ބުނެ ޝަކުވާކޮށްފައެވެ.
އައްޑޫގެ މޭޔަރ އަބްދުﷲ ސޯދިގް (ސޯބެ) ވިދާޅުވީ ރައްޔިތުންނާއި އެކު މަޝްވަރާ ކުރުމަށްފަހު އެކުލަވާލާ ބެޖެޓަށް ފައިސާ ލިބޭނެ ކަމަށް އުންމީދު ކުރައްވާ ކަމަށާއި، ބަޖެޓް އެކުލަވާލާނީ ކައުންސިލަށް ލާޒިމް ކުރާ ކަންކަން ހިމަނައިގެން ކަމަށެވެ.
ބަޖެޓް އެކުލަވާލުމާއި ގުޅޭ ގޮތުން ކައުންސިލުން ކުރިއަށްގެންދާ މަޝްވަރާތައް ވަނީ ފޭދޫގައިވެސް ކުރިއަށް ގެންގޮސްފައެވެ.