ދައުލަތައް ދިގު މުއްދަތަކަށް ޚިދުމަތް ކުރުމުގެ އިނާމު އައްޑޫސިޓީ ކައުންސިލުގެ 7 މުވައްޒަފަކަށް ލިބިފައިވާ ކަމަށް އައްޑޫސިޓީ ކައުންސިލު އިދާރާއިން ހާމަކޮށްފިއެވެ.
ދައުލަތަށް ދިގު މުއްދަތަކަށް ޚިދުމަތް ކޮށްފައިވާ 148 ފަރާތަކަށް ރައީސް އިބްރާހިމް މުހައްމަދު ސާލިޙް ވަނީ ޝަރަފުގެ އައްޑަނަ އަރުވާފައެވެ. އެ ބޭފުޅުންނަށް ޝަރަފުގެ ބެޖާއި އައްޑަން ދެއްވީ، މިއަދު ހެނދުނު ސޯޝަލް ސެންޓަރުގައި ބޭއްވެވި ރަސްމީ ޖަލްސާގައެވެ. މި ހުރިހާ ފަރާތްތަކަކީ ދައުލަތަށް 35 އަހަރަށްވުރެ ގިނަ ދުވަހު ޚިދުމަތް ކޮށްދެއްވާފައި ފަރާތްތަކެވެ.
މީގެ ތެރޭގައި އައްޑޫސިޓީ ކައުންސިލުގެ 7 މުވައްޒަފުން ހިމެނޭ ކަމަށް އެއިދާރާއިން ވަނީ ހާމަކޮށްފައެވެ. އެ ބޭފުޅުންނަކީ؛
1. އަހުމަދު ޢަލީ – އެސޯސިއޭޓް ކައުންސިލް އޮފިސަރ / 40 އަހަރު
2. މަރިޔަމް ޒަރީރާ މުހައްމަދު – އެސިސްޓެންޓް ކައުންސިލް އޮފިސަރ / 38 އަހަރު
3. އިބްރާހިމް ޝަފީޤް – އެސޯސިއޭޓް ކައުންސިލް އޮފިސަރ / 38 އަހަރު
4. ފާތިމަތު އަބްދުﷲ – އެސްޓިންޓް ކައުންސިލް އޮފިސަރ / 37 އަހަރު
5. ޚަދީޖާ ރަޒީނާ – އެސިސްޓެންޓް އެކައުންޓްސް އޮފިސަރ / 35 އަހަރު
6. އާމިނަތު އަމީޒާ – އެސިސްޓެންޓް ކައުންސިލް އޮފިސަރ / 35 އަހަރު
7. އައިޝަތު ރުޝްދީ – ކައުންސިލް އޮފިސަރ – 35 އަހަރު
ދިވެހި ދައުލަތަށް ޚިދުމަތްކުރުމުގެ އިނާމް 2023 ޙާސިލުކުރައްވާފައިވާ މި އިދާރާގެ 7 މުވައްޒަފުންނަށް، މޭޔަރ، ޑެޕިއުޓީ މޭޔަރ، ކައުންސިލް މެމްބަރުން، ސެކްރެޓަރީ ޖެނަރަލް، މެނޭޖްމަންޓް އަދި އެންމެހައި މުވައްޒަފުންގެ ނަމުގައި ހޫނު މަރުހަބާއެއް އަރިސްކުރަން. pic.twitter.com/oE2mhJe2Jn
— Addu City Council (@AdduCityCouncil) July 29, 2023
ދިވެހި ދައުލަތަށް ޚިދުމަތް ކުރުމުގެ އިނާމު ލިބިވަޑައިގެންނެވި 148 ބޭފުޅުންގެ ތެރެއިން 34 ބޭފުޅުންނަކީ އަންހެން ބޭފުޅުންނެވެ. އަދި މިފަހަރު އިނާމު ލިބިވަޑައިގެންނެވި ބޭފުޅުންގެ ތެރެއިން އަތޮޅުތަކުގެ ރަށްރަށުގައި ދިގު މުއްދަތަކަށް ޚިދުމަތް ކުރައްވައިގެން އިނާމު ޙާޞިލްކުރެއްވީ 65 ބޭފުޅެކެވެ.