ލޭގެ ޕްރެޝަރު ދަށްކުރުމަށްޓަކައި އޮތް އެންމެ ރަނގަޅު ހައްލަކީ ކަސްރަތު ކަމަށް ދިރާސާއެއްގައި ބުނެފި އެވެ.
ބްރިޓިޝް ޖާނަލް އޮފް ސްޕޯޓްސް މެޑިސިންގައި ޝާއިއުކޮށްފައިވާ މި ދިރާސާގައި ފާހަގަކޮށްފައިވާ ގޮތުގައި ލޭގެ ޕްރެޝަރު ދަށްކުރުމަށްޓަކައި އަބަދު ވެސް ހެލުފެލިވެ، ހަރަކާތްތެރިކޮށް އުޅުމަކީ މުހިއްމު ކަމެކެވެ. ވަކިން ހާއްސަކޮށް ގަވައިދުން ކަސްރަތުކުރަން ދިރާސާގައި އިރުޝާދު ދީފައިވެ އެވެ. އެގޮތުން ލޭގެ ޕްރެޝަރު ދަށްކުރަން އެންމެ ހާއްސަ ކަސްރަތުތަކަކީ އެރޮބިކްސް ނުވަތަ ކާޑިއޯގެ ކަމަށް ވެސް ދިރާސާގައި ފާހަގަކޮށްފައިވެ އެވެ. އެހެންވެ ދުވުމާއި ބައިސްކަލް ދުއްވުމާއި ފެތުން ފަދަ ކަންކަމަކީ މިކަމަށް ކުރެވިދާނެ ކަންކަމެވެ/
ލޭގެ ޕްރެޝަރު މައްޗަށް ދިިއުމަކީ ސިއްހީ ތަފާތު މައްސަލަތަކަށް މަގަފަހިވާ ކަމެކެވެ. އޭގެ ތެރޭގައި ސްޓްރޯކާއި ހާޓްއެޓޭކް ޖެހުން ފަދަ ސިއްހީ ބޮޑެތި މައްސަލަތައް ހިމެނެ އެވެ.