ޝަންގްރިއްލާ ވިލިގިލި ރިސޯޓް އެންޑް ސްޕާގެ އާ ޖެނެރަލް މެނެޖަރު (ޖީއެމް) މިއަދު އައްޑޫ ސިޓީ ކައުންސިލާ ބައްދަލު ކުރައްވައިފި އެވެ.
ކައުންސިލް އިދާރާގައި އޮތް މި ބައްދަލުވުމުގައި ޖީއެމް އަލްވީން ޑްރެގޯ އާ، ކައުންސިލްގެ ފަރާތުން އިސްކޮށް ބައިވެރިވަޑައިގެންނެވީ މޭޔަރު އަބްދުﷲ ސޯދިގް (ސޯބެ) އެވެ. ޑްރެގޯ އާ އެކު މި ބައްދަލުވުމުގައި ޝަންގްރިއްލާގެ ފަރާތުން ސައުދު އަބްދުﷲ ވެސް ބައިވެރިވަޑައިގެންނެވި އެވެ.
ސައުދަކީ 2008 ވަނަ އަހަރު އައްޑޫގެ އަތޮޅުވެރިކަން ވެސް ކުރެއްވި ބޭފުޅެކެވެ.
ޝަންގްރިއްލާ ވިލިގިލި ރިސޯޓްގެ ޖީއެމް ކައުންސިލާ އެކު ބޭއްވި ބައްދަލުވުމުގައި ވަނީ އެކިއެކި ދާއިރާތަކުން އެ ރިސޯޓްގެ ފަރާތުން އައްޑު އަށް އެހީތެރިކަން ފޯރުވައި ދެވިދާނެ ގޮތްތަކާ ބެހޭ ގޮތުން މަޝްވަރާ ކުރައްވައިފަ އެވެ.
އެގޮތުން ދަނޑުވެރިކަން ކުރިއެރުވުމަށާއި ސިއްހީ ދާއިރާގެ އިތުރުން އިޖުތިމާއީ އެކިއެކި ރޮނގިތަކުން އެހީތެރިކަން ފޯރުކޮށް ދިނުމާ ބެހޭ ގޮތުން މިއަދުގެ ބައްދަލުވުމުގައި މަޝްވަރާ ކުރައްވާފައިވެ އެވެ.
އެ ރިސޯޓަކީ 2009 ވަނަ އަހަރު ހުޅުވި ފަހުން، އައްޑު އަށް އެކި ގޮތްގޮތުން އެހީތެރިކަން ފޯރުވައި ދެމުން އަންނަ ރިސޯޓެއްކަން ފާހަގަކޮށްލެވެ އެވެ.