ދިމާވި އެކިއެކި ދަތިތަކާ ހެދި "އައްޑޫ ލައިވް" އަޕްޑޭޓް ނުވެ، ގިނަ ދުވަސްތަކެއްވެފައިވާތީ ކިއުންތެރިންގެ ފަރާތުން މައާފަށް އެދެމުން، ދޭން އޮތް އުފާވެރި ހަބަރަކީ ކުރިއެކޭ އެއްގޮތަށް މި ނޫހުގެ މަސައްކަތް އަލުން ފެށުނު ވާހަކަ އެވެ. ކިއުންތެރިން އެނބުރި އައްޑޫ ލައިވަށް އަންނާށެވެ. މިއީ ކިއުންތެރިންގެ ނޫހެވެ. ކިއުންތެރިންގެ ޗޮއިސް އެވެ.
ޖެނުއަރީ 1، 2013 ގައި އައްޑޫ ލައިވް ލޯންޗް ކުރުމާ އެކު، އައްޑޫގެ އިތުރުން ރާއްޖޭގެ އެކި ކަންކޮޅުތަކުުން މި ނޫހަށް ވަނީ ކިއުންތެރިންގެ ފަރާތުން ވަރަށް ބޮޑު ތަރުހީބަކާއި މަގުބޫލް ކަމެއް ލިބިގެން ގޮސްފަ އެވެ.
އެކަން އެގޮތަށްވީ ނޫހުގައި ކިއުންތެރިން ޝައުގުވެރި ވާނެ އެތަކެއް ލިއުންތަކެއް ގެނެސް ދެވިފައިވާތީ ކަމާ ދޭތެރޭ އެއްވެސް ޝައްކެއް ނެތެވެ.
މި ނޫހަކީ ލޯކަލް ހަބަރުތަކަށް ބަލާ އިރު،މުޅިން ވެސް އައްޑޫގެ ހަބަރުތައް ގެނެސްދެމުން ދިޔަ ނޫހެކެވެ. އަދި ރިޕޯޓްތަކަކީ ވެސް އައްޑު އާ ގުޅުން ހުރި ކަންކަމާ ގުޅޭ ގޮތުން ގެނެސް ދީފައިވާ ރިޕޯޓްތައްކަން ފާހަގަކޮށްލަން ޖެހެ އެވެ.
އެހެންވެ މިއަދުން ފެށިގެން އަނެއްކާ ވެސް ކުރިއަށް މި މަަސައްކަތް އަލުން އާ ރޫހަކާ އެކު ފެށިގެން މި ދަނީ އެވެ. މިއީ އެތައް ބައެއްގެ ބުރަ މަސައްކަތެވެ.
ނޫހަށް ލިޔާ ލިއުންތެރިންގެ އަދަދުގެ މަދުކަމާ ހުރެ ވެސް، ފާއިތުވި ދޮޅު އަހަރެއްހާ ދުވަހުގެ ތެރޭގައި އައްޑޫގެ ހަބަރުތަކުގެ އިތުރުން އައްޑޫ ލައިވުން ވާނީ ތަފާތު ދާއިރާތަކުން ކިއުންތެރިންނާ ހަމައަށް ލިއުންތައް ގެނެސް ދީފަ އެވެ.
އޭގެ ތެރެއިން ފާހަގަކޮށްލެވޭ ބައެއް ދާއިރާތަަކަށް ބަލާ އިރު، މުނިފޫހި، ސިއްހީ، ދީނީ، ވިޔަފާރި އަދި ތާރީހު ފަދަ ކިއުންތެރިންގެ ޝައުގުވެރިކަން ބޮޑު ދާއިރާތައް ހިމެނެ އެވެ. ކިއުންތެރިންނަށް އަނެއްކާ ވެސް ދޭން ބޭނުންވާ ޔަގީންކަމަކީ ކުރިއަށް އޮތް ތަނުގައި މި ނޫހުގެ މަސައްކަތް، މާ ހަލުވިކޮށް، މާ ފުޅާކޮށް، މާ ތާޒާކޮށް، މާ ފުރިހަމަކޮށް ގެނެސް ދެވޭނެ ވާހަކަ އެވެ. މިއީ އަނެެއްކާ ވެސް އާ ފެށުމެކެވެ. އާ އުންމީދުތަކަކާ އެކުގަ އެވެ.
އެކަމަށް ބޭނުންވާ މީހުން ހޯދުމުގެ މަސައްކަތް ވެސް މި ވަނީ ފެށިފަ އެވެ. އެގޮތުން ލިއުންތެރިންތެރިންނަށް އޮތީ ދޮރު ހުޅުވިފަ އެވެ. ޝައުގުވެރިކަން ހުރި ކޮންމެ މީހަކަށް އައްޑޫ ލައިވުން ހޫނު މަރުހަބާއެއް ކިޔާނެ އެވެ.
މީގެ އިތުރުން ނޫސް އިތުރަށް ވަރުގަދަ ކުރުމުގެ ގޮތުން ނޫސް މާކެޓް ކުރުމުގެ ޒިންމާ އާ ހަވާލު ވާނެ ފަރާތްތަކަށް ވެސް އޮތީ އެ ފު ރުސަތު ހުޅުވާލައިފަ އެވެ. ބޭނުން ވަނީ މަސައްކަތަށް ޑެޑިކޭޓް މާކެޓިން އެގްޒެކެޓިކެވެ.
އައްޑޫ ލައިވް އަބަދުވެސް ކިއުންތެރިންނާ އެކުގައި ވާނެ އެވެ. އަދި ކިއުންތެރިން ދޭ ހިޔާލުތަކާއި ލަފަ އާ އެއްގޮތަށް ނޫހުގެ ކޮންޓެންޓް ވަރުގަދަ ކުރަން އަބަދު ވެސް މަސައްކަތް ކުރާނެ އެވެ.