ރާއްޖޭގައި "އުޅޭ" ކަމަށް ބުނާ ޓެރިސްޓުންނާއި އެ މީހުންނަށް ފަންޑްކުރާ" ކުންފުނިތައް ކަމަށް ބުނެ އެމެރިކާ އިން އާންމުކުރި ލިސްޓްގައި ހިމެނޭ މީސްމީހުންގެ ރާއްޖޭގެ އެކައުންޓްތައް ބޭންކްތަކުން ފްރީޒްކުރަން ފަށައިފި އެވެ.
އެގޮތުން އެމެރިކާގެ ޑިޕާޓްމަންޓް އޮފް ދަ ޓްރެޒަރީގެ އޮފީސް އޮފް ފޮރިން އެސެޓްސް ކޮންޓްރޯލް (އޯއެފްއޭސީ) އިން އާންމުކުރި ލިސްޓްގައި ހިމެނޭ އައްޑޫ ފޭދު ނިސްބަތްވާ އަހުމަދު އަގްލީލު މިއަދު ސޯޝަލް މީޑިއާ ޕޯސްޓެއްގައި ބުނީ ބޭންކް އޮފް މޯލްޑިވްސް (ބީއެމްއެލް) ގައި އޭނަގެ ނަމުގައި ހުޅުވާފައި ހުރިހާ އެކައުންޓްތަކެއް ފްރީޒްކޮށްފައިވާ ކަމަށެވެ.
So @bankofmaldives freezes all my accounts that don’t add up to MVR 3000/- altogether.
I say this is good riddance for they are a SLAVE to the real Terrorist USA who were actually chased away from Iraq & Afghanistan humiliated while delivering Democracy. Tsk such a shame 🫢
— Ahmad (@Ahammadhaa) August 2, 2023
އެމެރިކާ އިން އާންމުކުރި ލިސްޓްގައިވާ ގޮތުން އަގުލީލަކީ އަލްގައިދާ ޖަމާއަތާ ގުޅުން ހުރި ރާއްޖޭގެ ދެ މީހުންގެ ތެރެއިން އެކެކެވެ. އޭނަގެ ކުންފުނުތަކުގެ ގޮތުގައި ލިސްޓްގައި ހިމަނާފައި ވަނީ ފުރަަހަ ކޮންސްޓްރަކްޝަނާއި ޑިޒައިނާ ގަރާޖުގެ އިތުރުން ސަދަން ސްޓޭލިއަންސް އެވެ.
ޑިޒައިނާ ގަރާޖުގެ ދަށުން ކުރިން ފޭދޫގައި "ފޮތި ގަރާޖު" ގެ ނަމުގައި ފޮތި ފިހާރައެއް ހިންގާފައިވާ އިރު، ސަދަން ސްޓޭލިއަންސް އަކީ 2021 ގައި އައްޑު އަށް އަސްތަކެއް ގެނައި ކުންފުންޏެވެ.
އެމެރިކާ އިން އާންމުކުރި ޓެރަރިސްޓުންގެ ލިސްޓްގައި އަލްގައިދާއާ ގުޅުވައި އަގުލީލުގެ ނަމާއި އޭނަގެ ކުންފުނިތައް ހިމެނި އިރު، އޭނަ އަކީ ގެއްލުނު ނޫސްވެރިޔާ އަހުމަދު ރިލްވާންގެ މައްސަލައިގައި ތުހުމަތުތަކެއް ކުރެވިގެން 2019 ގެ ތެރޭގައި އައްޑޫން ހައްޔަރު ވެސް ކުރި މީހެކެވެ. އެކަމަކު ފަހުން އޭނަ ހުރީ ދޫކޮށްލައިފަ އެވެ.
އެމެރިކާ އިން ދަތިކުރުމުގެ ފިޔަވަޅުތަކެއް ވެސް އަޅާފައިވާ ކަމަށް ބުނެ އާންމުކުރި ލިސްޓްގައި 20 މީހެއްގެ ނަމާއި 29 ކުންފުންޏެއްގެ ނަން ހިމަނާފައިވެ އެވެ.
އައްޑޫ ސެލްގެ މެންބަރުން:
* ޖިނާއުން ނަސީމް (ނަސީމް)
* މުހައްމަދު ތަސްލީމް (ތަހާސްލިމް)
* ފާރިސް މުހައްމަދު ދީދީ
* އަލީ ނިހާދު
* މުހައްމަދު ނައުޝާދު ޝަރީފް
މުހައްމަދު ނައުޝާދު ޝަރީފްގެ ކުންފުނިތައް:
* ސްކައި ނޯވާ އިންވެސްޓުމަންޓު
* ނިއު ސަން އިންވެސްޓުމަންޓު
އައިއެސްއާ ގުޅުން ހުރި ގޭންގުތަކާ ގޭންގުތަކުގެ ލީޑަރުން އަދި ކުންފުނިތައް:
* އަހުމަދު އަލިފް ރައުފް
* މުހައްމަދު އިންތިފް ރައުފް
* އިބްރާހިމް އަލީފް ރައުފް
އަހުމަދު އަލިފް ރައުފްގެ ކުންފުނިތައް:
* ސްޓްރީޓް އިންވެސްޓުމަންޓު
* ސްޓީޓް މޮޓޯ ސާވިސް
* އިންތިފްގެ ކުންފުނިތައް:
* ވައިޓް ބީޗް ވޯޓާ ސްޕޯޓްސް
* ބައުމް ޕްރައިވެޓް ލިމިޓެޑް
އައިއެސްއައިއެސް ކޭ ގެ ރެކްރޫޓަ މުހައްމަދު އަމީނާ ގުޅުން ހުރި މީހުން:
* އަބްދުﷲ އަލި މަނިކް
* މޫސާ އިނާސް
* އަބަދުﷲ ޝަރީފް
* ހުސެން ޝާމިލް
* އަހުމަދު މުބީން
* އަމީން އަހުމަދު
* ޔޫސުފް ޝަހީދު
* މުހައްމަދު މާތިއު އަބްދުލް ރައްޒާގް
* އަލީ ޝާފިއު
އަބްދުﷲ ޝަރީފްގެ ކުންފުނި:
* މަލްޓި ކޮންސްޓްރަކްޝަން ޕްރައިވެޓް ލިމިޓެޑް
ޝާމިލްގެ ކުންފުނިތައް:
* ލަރޯސާ
* އަލް ތަމާރު
އަހުމަދު މުބީންގެ ކުންފުނި:
* ތުރީޒެޑް އިންވެސްޓް މަންޓު
އަމިން އަހުމަދުގެ ކުންފުނިތައް:
* އިންމާ މޯލްޑިވްސް
* ޖަޒީރަތު އަލް މާލްދިފީ
ޔޫސުފް ޝަހީދު އާއި އަހުމަދު އަފްރާހުގެ ކުންފުނި:
* ދާވީ ޕްރައިވެޓް ލިމިޓެޑް
އަފްރާ އާއި އަމީންގެ ކުންފުނިތައް:
* ސިއަސް އިންވެސްޓު މަންޓު
* ފުރުޓް ޕްލަސް މޯލްޑިވްސް
* ކޯޑް އޭ ޕާޓްނާޝިޕް
މުހައްމަދު މާތިއު އަބްދުލް ރައްޒާގުގެ ކުންފުނި:
* ގްރީން ބާޑްސް
އަލީ ޝާފިއުގެ ކުންފުނި:
* ޕެންޑާ މޯލްޑިވްސް ޕްރައިވެޓް ލިމިޓެޓް
ރާއްޖޭގައި ދިރިއުޅޭ އަލްގައިދާ އާއި ގުޅުން ހުރި މީހުންގެ ލިސްޓު:
* އަހުމަދު އަގްލީލް
* އަލީ ޝިޔާމް
އަގްލީލްގެ ކުންފުނިތައް:
* ފުރަަހަ ކޮންސްޓްރަކްޝަން
* ޑިޒައިނާ ގަރާޖު
* ސަދަން ސްޓޭލިއަންސް
އަލީ ޝިޔާމްގެ ކުންފުނިތައް:
* ގޯލްޑެން ވޯރިއާސް ޕްރައިވެޓް ލިމިޓެޑް
* ވާލީ ބްރަދާސް ޕްރައިވެޓް ލިމިޓެޑް
* ޝައިން އެކްސް އިންވެސްޓް މަންޓު
* އެރިޔަދޫ އިންވެސްޓް މަންޓްސް
* ޖަޒީރާ ޕްރޮޕަޓީޒް ޕްރައިވެޓް ލިމިޓެޑް
* ވިޝަންސް މޯލްޑިވްސް ޕްރައިވެޓް ލިމިޓެޑް
އެމެރިކާ އިން އާންމުކުރި ލިސްޓާ ގުޅިގެން ދިވެހި ސަރުކާރާއި ކަމާގުޅޭ އެއްވެސް އިދާރާއަކުން މިކަމާ ބެހޭ ގޮތުން ރަސްމީކޮށް އަދި ވަކި އެއްޗެއް ނުބުނެ އެވެ.