ފުލުހުންގެ ސިއްޙީ ފަރުވާގެ ކަންކަމަށް ހާއްސަ ނޫސަންދަ ކްލިނިކުގެ ގޮތްޕެއް އައްޑޫގައި ހުންނަ ނޭޝަނަލް ކޮލެޖް އޮފް ޕޮލިސިންގް އެންޑް ލޯ އެންފޯސްމަންޓުގައި ހުޅުވައިފިއެވެ.
ކްލިނިކް ބުދަ ދުވަހު ހުޅުއްވައި ދެއްވީ ކޮމިޝަނަރ އޮފް ޕޮލިސް މުހައްމަދު ހަމީދުއެވެ. ނޫސަންދަ ކްލިނިކަކީ ފުލުހުންނަށް އިމަރޖެންސީ ހާލަތުގައި ފުލުހުންނަށް ލިބޭ އަނިޔާތަކަށް ލަސްނުކޮށް ފަރުވާ ދިނުމުގެ ގާބިލްކަން ހުރި ތަނެކެވެ.
މީގެ އިތުރުން ފުލުހުންނާއި ފުލުހުންގެ އާއިލާތަކަށް، އަދި ބަންދުގައި ތިބޭ މީހުންނަށް ސިއްޙީ މި ކްލިނިކުން ފޯރުކޮށްދޭނެއެވެ.
މި ކުލިނިކުގައި އާންމު ބަލިތަކުގެ ޑޮކްޓަރުންނާއި އެކިއެކި ބަލިތަކުގެ ހާއްސަ ޑޮކްޓަރުންގެ ޚިދުމަތް ކުރިއަށް އޮތް ދުވަސްތަކުގައި ދެމުންގެންދާނެއެވެ. އަދި ބޭސް ފިހާރައިގެ ޚިދުމަތާއި އެކްސްރޭ އަދި ސްކޭންކުރުމުގެ ހިދުމަތްތައްވެސް ދެމުންގެންދާނެއެވެ.
މި ކްލިނިކުން ފުލުހުންނާއި ފުލުހުންގެ އާއިލާތަކަށް ޚިދުމަތް ދިން ނަމަވެސް ކުރިއަށް ދުވަސްތަކުގައި އާންމުންނަށް ވެސް ޙިދުމަތް ދެވޭނެ އިންތިޒާމު ހަމަޖެހިގެން ދާނެެވެ.
މިއީ މާލެއިން ބޭރުގައި ނޫސަންދަ ކްލިނިކްގެ ގޮތްޕެއް ޤާއިމް ކުރި ފުރަތަމަ ފަހަރެވެ. އައްޑޫގައި ނޫސަންދަ ކްލިނިކްގެ ގޮތްޕެއް ޤާއިމް ކުރެވިގެން ދިޔައިރު، ނޫސަންދަ ކްލިނިކް ފުރަތަމަ ޤާއިމްކޮށް ޙިދުމަތް ދޭން ފެށީ 2015 ވަނަ އަހަރުއެވެ.