މި އަހަރުގެ ދިރާސީ އަހަރު 84،000 އަށް ވުރެ ގިނަ ދަރިވަރުންނާ އެކީ މިއަދު ފަށައިފި އެވެ.
ސްކޫލް ބޮޑު ބަންދަށް ފަހު ސްކޫލްގެތަކުގެ ކިޔެވުމުން މިއަދު ފެށި އިރު، ރާއްޖޭގެ ހުރިހާ ހިސާބެއްގެ ސކޫލްތަކަކުން ވެސް ދަރިވަރުންނަށް ހޫނު މަރުހަބާއެއް ކިޔާފައިވެ އެވެ.
މި އަހަރު ދިރާސީ އަހަރު ފެށީ ސަރުކާރާއި ޕްރައިވެޓް ސްކޫލްތައް ހިމެނޭހެން ޖުމްލަ 216 ގެ ސްކޫލެއްގަ އެވެ. މީގެ ތެރޭގައި މާލެ ސަރަހައްދުގައި އަލަށް ހުޅުވި ސްކޫލްތަކެއް ވެސް ހިމެނެ އެވެ. އަި މީގެ ތެރެއިން 156 ސްކޫލަކީ އެއްދަންފަޅިއަށް ކިޔަވައިދޭ ސްކޫލްތަކެވެ.
އެޑިއުކޭޝަން މިނިސްޓްރީން ބުނީ 84،000 އަށް ވުރެ ގިނަ ދަރިވަރުންނާ އެކީ ދިރާސީ އަހަރު ފެށި އިރު، މީގެ ތެރެއިން 25،000 އަށްވުރެ ގިނަ ދަރިވަރުން ކިޔަވަނީ މާލެ ސަރަޙައްދުގެ ސްކޫލްތަކުގައި ކަމަށެވެ.
ދިރާސީ އަހަރުގައި 201 ދުވަހު ކިޔަވައި ދޭނެ އެވެ. އެއީ ފުރަތަމަ ޓާމުގައި 93 ދުވަސް އަދި އަދި ދެވަނަ ޓާމުގައި 108 ދުވަހެވެ. އަދި މި ދިރާސީ އަހަރު ކުރިއަށް ދާނީ މިއަދުން ފެށިގެން އަންނަ އަހަރުގެ ޖޫން 13 އާ ހަމައަށެވެ.