ގެވެށިއަނިޔާ ލިބޭ މީހުންނަށް ހާއްސަކޮށްގެން އައްޑޫގައި ހަދަން ނިންމާފައިވާ ޝެލްޓާ ފެސިލިޓީ އިމާރާތްކޮށް ދޭނެ ބަޔަކު ހޯދަން ބީލަމަށް ހުޅުވާލައިފި އެވެ.
ޖެންޑް މިނިސްޓްރީގެ ދަށުން ހިންގަން ހަމަޖެހިފައިވާ މި މަޝްރޫއަކީ ސަރުކާރުން އޭޝިއަން ޑިވެލޮޕްމަންޓް ބޭންކް (އޭޑީބީ) ގެ އެހީގައި ހިންގަމުން އަންނަ ސްޓްރެންތެނިން ޖެންޑަ އިންކްލޫސިވް އިނިޝިއޭޓިވް ޕްރޮޖެކްޓުގެ ތެރެއިން ހިންގާ މަޝްރޫއެކެވެ.
ފިނޭންސް މިނިސްޓްރީ ބުނީ އައްޑޫގައި ހަދާ ޝެލްޓަ ފެސިލިޓީ އިމާރާތްކޮށް ދޭން ޝައުގުވެރިވާ ކުންފުނިތަކަށް ބީލަން ހުށަހެޅުމުގެ ފުރުސަތު މި މަހުގެ 19 އާ ހަމައަށް ހުޅުވާލާފައިވާ ކަމަށެވެ. ބީލަމުގައި ބައިވެރިވާން ރަޖިސްޓްރީވާން ޖެހޭ ކަމަށާއި ރަޖިސްޓްރީވާނީ ބަނޑޭރި ޕޭ bandeyripay.finance.gov.mv މެދުވެރިކޮށް ކަމަށެވެ. ރަޖިސް ރަޖިސްޓްރޭޝަން ކުރިއަށް ގެންދާނީ މިއަދުން ފެށިގެން މި މަހުގެ 17 އާ ހަމައަށެވެ. ރަޖިސްޓްރޭޝަނަށް 1،500ރ. ގެ ފީއެއް ވެސް ދައްކަން ޖެހެ އެވެ.
ބީލަން ހުޅުވަން ހަމަޖެހިފައި ވަނީ މި މަހުގެ 19 ވަނަ ދުވަހުގެ ހެނދުނު 11:00 ގައި ނެޝަނަލް ޓެންޑާގަ އެވެ.