އަންނަ އަހަރު ގަން އިންޓަނޭޝަނަލް އެެއާޕޯޓު ތަރައްގީކޮށް ނިންމައި ބޮޑެތި ފްލައިޓްތައް ޖައްސަން ފަށާނެ ކަމަށް، ޓޫރިޒަމް މިނިސްޓަރުު އަހުމަދު އަދީބު ރޭ ވިދާޅުވެއްޖެ އެވެ.
ހުޅުމާލޭގެ ދެވަނަ ފިޔަވަހީގެ ބިން ހިއްކުމުގެ މަސައްކަތް ރަސްމީކޮށް އިފްތިތާހު ކުރަން ބޭއްވި ރަސްމިއްޔާތުގައި އަދީބު ވިދާޅުވީ ރައީސް އަބްދުﷲ ޔާމީންގެ ސަރުކާރުގައި ޓޫރިޒަމްގެ ދާއިރާއިން ރާއްޖެ ތަރައްގީތަކެއް ހޯދަމުން އަންނަ ކަމަށެވެ.
އޭނާ ވިދާޅުވީ އައްޑު އަތޮޅަށް ޓޫރިޒަމް ތައާރަފް ކުރުމުގެ ގޮތުން އައްޑޫގައި އޮޕަރޭޓް ނުކުރެވި އޮތް، ހެރަތެރަ ރިސޯޓް ވެސް އަލުން އޮޕަރޭޝަނަށް ގެނެސްފައިވާ ކަމަށެވެ.
އަދީބް ވިދާޅުވި އައްޑު އަށް ގިނަ ޓޫރިސްޓުން ގެނައުމުގެ ގޮތުން، އެއާޕޯޓް ތަރައްގީ ކުރުމުގެ މަސައްކަތް ވަރަށް ބާރު ސްޕީޑެއްގައި ކުރިއަށްދާ ކަމަށެވެ.
އަދި އެ އެއާޕޯޓް ތަރައްގީކޮށް ނިމުުމުން އައްޑު އާއި މުޅި ރާއްޖޭގެ ޓޫރިޒަމަށް ބޮޑު ކުރިއެރުމެއް އަންނާނެ ކަމަށް ވިދާޅުވި އެވެ.
"އަންނަ އަހަރުގެ ސީޒަން އަންންވާއިރަށް އޭ 320 ބޯޓުތައްފަދަ ބޮޑެތި ބޯޓުތައް ގަން އެއާޕޯޓުގައި ޖެއްސޭވަރު ވާނެ. އޭރުން އައްޑޫ އަށް އަންނަ ޓޫރިސްޓުން އިތުރުވެ، ޓޫރިސްޓުން ގޮވައިގެން ރާއްޖެ އަންނަ އެއާލައިންތައް އިތުރުވާނެ،" އޭނާ ވިދާޅުވި އެވެ.