ފުލުހުންގެ ހާއްސަ ތަމްރީން ކޯހެއް އައްޑޫގައި ފަށައިފި އެވެ.
އައްޑޫ ޕޮލިސް ކޮލެޖްގައި ކުރިއަށްދާ މި ޕަބްލިކް އޯޑަ ޓްރެއިނިން ކޯހުގައި 185 ފުލުހުން ބައިވެރިވެ އެވެ. އެސްއޯ ފުލުހުންނަށް ހާއްސަކޮށްގެން ކުރިއަށް ގެންދާ މި ތަމްރީނު ޕްރޮގްރާމަކީ އެއްވުންތައް ރޫޅާލުމާއި އެއްވުންތަކުގައި ހަމަނުޖެހުން ހިންގައި، ފުލުހުންނާ ކުރިމަތިލުން ފަދަ ކަންކަން ހިނގާ ނަމަ އެފަދަ ކަންކަމަށް ތައްޔާރުވުމުގެ ގޮތުން ކުރިއަށް ގެންދާ ޓްރެއިނިންއެކެވެ.
މި ޓްރެއިނިން މި ފަށާފައި ވަނީ އަންނަ މަހު ބާއްވާ ރިޔާސީ އިންތިހާބަށް ފުލުހުން ވަމުން އަންނަ ތައްޔާރީތަކުގެ ތެރެއިންނެވެ.
އިންތިހާބު އޮންނަ ދުވަހު ސަލާމަތީ ކަންކަން ބެލެއްޓުމުގައި ފުލުހުން ވަރަށް ބޮޑު ރޯލެއް އަދާކުރާނެ އެވެ. ރާއްޖޭގެ އެކި ހިސާބުތަކުގައި މިހާރު ރިޔާސީ ކެންޑިޑޭޓުންގެ ކެމްޕޭންތައް ކުރިއަށްދާ އިރު، ކެމްޕޭންތައް ވެސް ސުލްހަވެރިކޮށް ކުރިއަށް ގެންދަން ވެސް ފުލުހުން އަންނަނީ މުހިއްމު ދައުރެއް އަދާކުރަމުންނެވެ.