ކުރިން އައްޑޫ ގަމުގައި ހިންގި ފްލައިން ސްކޫލް، އޭޝިއަން އެކަޑެމީ އޮފް އެއޮނޯޓިކްސް (އޭއޭއޭ) ގައި ޕައިލެޓްކޯސް ފުރިހަމަ ނުކުރެވި ކޯސް މެދުކަނޑާލަން ޖެހުނު ދަރިވަވަރުންނަށް ދޫކުރާ ލޯނުގެ އާ ބުރަކަށް ހުޅުވާލައިފި އެވެ.
ހަޔަ އެޑިއުކޭޝަން މިނިސްޓްރީން މި ލޯނަށް އެދެވޭނީ މިހާރު ހިންގަމުން އަންނަ މޯލްޑިވިއަން އޭވިއޭޝަން އެކަޑަމީގައި ކޯހުގެ ބާކީބައި ފުރިހަމަ ކުރުމަށް މިދިޔަ މަހުގެ 1 ގެ ފަހުން އެދުނު ދަރިވަރުންނަށް ކަމަށެވެ. އެގޮތުން ލޯނަށް އެދުމުގެ އެންމެ ފަހު ސުންގަޑި އަކީ މި މަހުގެ 21 އެވެ.
ލޯނަށް އެދި ފޯމު ހުށަހަޅާނީ myedu.egov.mv ޕޯޓަލް މެދުވެރިކޮށެވެ.
މީގެ ކުރިން ވެސް އޭއޭއޭގައި ކޯސް ހަދަމުން ދިޔަ ދަރިވަރުން ކޯހުގެ ބާޖީ ބައި ފުރިހަމަކުރަން މިދިޔަ އަހަރުގެ ތެރޭގައި ތިން ފަހަރެއްގެ މަތިން ލޯނަށް ހުޅުވައިލި އެވެ.
ގަަމުގައި މިހާރު ހންގަމުން އަންނަ މޯލްޑިވްސް އޭވިއޭޝަން އެކަޑެމީ އަކީ އައިލޭންޑް އޭވިއޭޝަން ސާވިސެސް (އައިއޭއެސް) އާއި ގައުމީ ޔުނިވަސިޓީ ގުޅިގެން އުފެއްދި ތަނެކެވެ. އަދި އެތަން ހިންގަނީ ޗެކް ރިޕަބްލިކްގެ ފްލައިން އެކަޑެމީއާ ގުޅިގެންނެވެ.