މޯލްޑިވްސް ނެޝަނަލް ޕާޓީ އެމްއެންޕީ) ގެ ރިޔާސީ ކެންޑިޑޭޓް ކާނަލް މުހައްމަދު ނާޒިމްގެ މެނިފެސްޓޯގެ ތެރެއިން މާލެ ސަރަހައްދުގެ ތަރައްގީގެ ޕްލޭން އަންނަ ހޮނިހިރު ދުވަހު ލޯންޗްކުރަން ނިންމައިފި އެވެ.
އެ ޕާޓީން ބުނީ އެ އިވެންޓް އޮންނާނީ އެރޭ 9:00 ގައި ބިލަންބޮންގް ހައި އިންޓަނޭޝަނަލް ސްކޫލްގައި ކަމަށެވެ.
މާލެ ސަރަހައްދުގެ ތަރައްގީގެ ޕްލޭން އެކުލަވާލާފައި ވަނީ މާލެ އާއި ހުޅުމާލެ އަދި ވިލިމާލެ ހިމެނޭ ގޮތަށެވެ. ގްރޭޓަ މާލޭގެ ގޮތުގައި ސިފަކުރާ މި ސަރަހައްދަކީ މިހާރު ވެސް ރާއްޖޭގައި އެންމެ ބޮޑު ކުރިއަރާފައި އޮތް ތަނެވެ. އަދި ހުރިހާ ސަރުކާރަކުން ވެސް މިހާތަނަށް އެންމެ ބޮޑު އިސްކަމެއް ދީފައި ވަނީ މާލެ ސަރަހައްދަށެވެ.
ނަމަވެސް އެމްޑީޕީގެ ރިޔާސީ ކެންޑިޑޭޓް އަދި މިހާރުގެ ރައީސް އިބްރާހީމް މުހައްމަދު ސޯލިހު ވިދާޅުވާ ގޮތުގައި ކުޑަ ރަށެއް ބޮޑު ރަށެއް ނުބަލައި މުޅި ރާއްޖެ އެއް ހަމައެއްގައި ތަރައްގީކުރާނީ އެވެ. އަދި އެ މަނިކުފާނުގެ މި ދައުރުގައި ވެސް ގެންގުޅުއްވީ އެ ސިޔާސަތު ކަމަށް ވިދާޅުވެ އެވެ.
ކުރީގެ ޑިފެންސް މިނިސްޓަރު އަދި މަޖިލީހުގެ ދަނގެތީ ދާއިރާގެ މިހާރުގެ މެމްބަރުގެ ގްރޭޓަ މާލޭގެ ތަރައްގީގެ ޕްލޭން ހޮނިހިރު ދުވަހުގެ ރޭ ލޯންޗްކުރަން ނިންމާފައިވާ އިރު، އޭނަގެ މެނިފެސްޓޯ އިއުލާންކުރީ ޖޫން މަހުގަ އެވެ. "އުޖާލާ ރަންޒަމާން
ޝިއާރުގެ ދަށުން ކެމްޕޭން ކުރައްވަމުން ގެންދަވާ ނާޒިމްގެ ރަނިންމޭޓަކީ ޑރ. އަހުމަދު އަދީލް ނަސީރެވެ.
އަށް ކެންޑިޑޭޓުން ވާދަކުރައްވާ ރިޔާސީ އިންތިހާބު އޮންނާނީ އަންނަ މަހުގެ 9 ގަ އެވެ.