ފީފާގެ މި އަހަރުގެ އަންހެން ވޯލްށް ކަޕް މިހާރު އޮތީ ނިންމާ މަރުހަލާގަ އެވެ. ފައިނަލް މެޗް މި މަހުގެ 21 ގައި ކުޅޭނެ އެވެ. އެ މެޗަށް ނުކުންނާނީ ސްޕެއިނާއި އިނގިރޭސިވީލަތެވެ. އެކަމަކު މި ދެ ޓީމްގެ ވާހަކަ އެއްފަރާތްކޮށްފައި ވޯލްޑް ކަޕުން މި ފަހަރު ފެނުނު ތާރީހީ ބޮޑު ބަދަލެއްގެ ވާހަކަ ދައްކައިލުން ހަމަ ވަރަށް ރަނގަޅު ވާނެ އެވެ. އެ ބަދަލަކީ އަންހެނުންގެ ވޯލްޑް ކަޕްގެ ތާރީހުގައި ވެސް މުބާރާތުގެ މެޗެއްގައި ބުރުގާ އެޅި ކުޅުންތެރިއަކު ކުޅުމެވެ.
އެ ޝަރަފާއި އެ ތާރީހީ ބަދަލު ދުނިޔެ އަށް ދައްކައި ދިނީ މޮރޮކޯގެ ނުހައިލާ ބެންޒީނާ، 25، އެވެ. މޮރޮކޯ އަށް އޭނަ ބުރުގާ އަޅައިގެން ކުޅުނީ މިދިޔަ މަހުގެ 30 ގައި ދެކުނު ކޮރެއާ ދެކޮޅަށް ކުޅުނު މެޗްގަ އެވެ. އެ މެޗްގައި މޮރޮކޯ މޮޅު ވެސް އެވެ. އެ ދުވަހުގެ މެޗަކީ މުބާރާތުގައި މޮރޮކޯގެ ޓީމަށް ބެންޒީނާ ކުޅުނު ފުރަތަމަ މެޗެވެ.
On Wednesday, EA Sports announced the addition of Nouhaila Benzina on FIFA 23 as she was previously not in the World Cup mode 🇲🇦
Her impact on the big stage has already reached the biggest simulation game in the sport.
Yeah, I did play with Morocco, of course she scored 🤩 pic.twitter.com/2wRDHhV5ym
— SHE scores bangers (@SHEscoresbanger) August 8, 2023
މި އަހަރުގެ އަންހެން ވޯލްޑް ކަޕްގެ މެޗެއްގައި ބުރުގާ އެޅި ކުޅުންތެރިއަކާ އެކީ މި މުބާރާތުގެ ތާރީހު މޮރޮކޯ އިން ބަދަލުކޮށްލި އިރު، ފާހަގަކޮށްލެވޭ އަނެއް ކަމަކީ މިއީ އަންހެން ވޯލްޑް ކަޕްގައި އެ ގައުމު ވާދަ ވެސް ކުރި ފުރަތަމަ ފަހަރުކަމަމެވެ.
ބެންޒީނާ ގެނެސްދިން ބަތަލާ ބެހޭ ގޮތުން މޮރޮކޯގެ ކެޕްޓެން ގިޒްލާނޭ ޝެބަކް ބުނީ މިއީ މޮރޮކޯ އަށް ލިބުނު ވަރަށް ބޮޑު ފަހުރަކާއި ޝަރަފެއް ކަމަށެވެ.
Morocco's Nouhaila Benzina made history as the first senior female footballer to wear a #Hijab on the pitch at the Women's World Cup.#WorldCup #Morocco #football #FIFAWWC #Mbappe #FIFAWomensWorldCup pic.twitter.com/tb5yq19Ime
— سحر (@BE_A_TRUE_MUSLM) July 24, 2023
"ވޯލްޑް ކަޕްގައި ބުރުގާ އަޅައިގެން ކުޅުންތެރިޔަކު ކުޅުމުގެ ޝަރަފު ލިބުނު އަރަބި ދުނިޔޭގެ ފުރަތަމަ ގައުމަށް މޮރޮކޯވުމަކީ ވަރަށް ވެސް ތާރީހީ ބަދަލެއް. ފަހުރެއް." އޭނަ ބުންޏެވެ.
ފީފާ އިން މިހާރު ތަނަވަސްކޮށް ދީފައި އޮތް ފުރުސަތުގެ ތެރެއިން އަންހެން ވޯލްޑް ކަޕްގައި ކުޅުންތެރިޔަކު އަލަށް ބުރުގާއާ އެކު ކުޅެފައިވާތީ މިއީ ވަރަށް ބޮޑު ކުރިއެރުމެއްގެ ގޮތުގައި މުސްލިމު ވިމެން އިން ސްޕޯޓްސް ނެޓްވޯކުން ސިފަކޮށްފައިވެ އެވެ.
"އުންމީދަކީ ބެންޒީނާ ދެއްކި ނަމޫނާ އިން ހިތްވަރު ލިބިގަނެ، ކުރިއަށް އޮތް ތަނުގައި ބުރުގާ އަޅައިގެން ކުޅޭ ކުޅުންތެރިން އިތުރުވެގެން ދާނެ ކަމަށް،" ނެޓްވޯކްގެ ބާނީއެއް ކަމަށްވާ އަސްމާހް ހިލާލު ވިދާޅުވި އެވެ. "އަދި މި ބަދަލަކީ ޖުމްލަކޮށް ފުޓްބޯޅައިގައި ހިއްސާވާ އެންމެންނަށް ވެސް ލިބުނު ކުރިއެރުމެއް."
މި އަހަރުގެ އަންހެން ވޯލްޑް ކަޕް ފެށީ މިދިޔަ މަހުގެ 20 ގަ އެވެ. އޮސްޓްރޭލި އާއި ނިއުޒީލެންޑްގައި ކުރިއަށް ގެންދާ މުބާރާތަކީ މުޅިން އަލަށް 32 ޓީމެއް ވާދަކުރި މުބާރާތެވެ. އެއީ މުބާރާތުން އަލަށް 8 ޓީމަކާ އެކީގަ އެވެ. އޭގެ ތެރޭގައި ހިމެނެނީ މޮރޮކޯ، ޕެނަމާ، ރިޕަބްލިކް އޮފް އަޔަލެންޑް، ވިއެޓްނާމް، ޒެމްބިއާ، ހެއިޓީ، ފިލިޕިންސް އަދި ޕޯޗުގަލް އެވެ.