މި އަހަރުގެ ރިޔާސީ އިންތިހާބުގައި ވާދަކުރައްވަން ނިންމެވީ ސީދާ ދިވެހި ރައްޔިތުންނަށްޓަކައި ކަމަށް ޖުމްހޫރީ ޕާޓީގެ ކެންޑިޑޭޓް ގާސިމް އިބްރާހީމް ވިދާޅުވެއްޖެ އެވެ.
"ހާސްކަނޑާލާ ހަމަޖެހޭނެ" ޝިއާރުގެ ދަށުން މިއަދު ކެމްޕޭނަށް ހދ. ނޮޅިވަރަމްގައި ސަޕޯޓަރުންތަކަކާ އެކީ ބޭއްވި އެއްވުމެއްގައި ރާއްޖޭގެ އެންމެ ބޮޑު ވިޔަފާވެރިޔާ ވިދާޅުވީ އިންތިހާބަށް ނުކުންނެވީ ދިވެހިންނަށް ހިދުމަތް ކުރައްވަން ކަމަށާއި އެ ނޫން އެއްވެސް ނިޔަތެއް ނެތް ކަމަށެވެ.
އެހެންވެ ރައްޔިތުންގެ ފުރިހަމަ ވޯޓާ އެކީ އިންތިހާބުކޮށް ދެއްވުމަށް ގާސިމް އެދިވަޑައިގަތެވެ.
📍 HDH Nolhivaran
Rahyyithu ge Adu ahaane ! Rahyyithunaa enmme gaathun !Qaumee Candidate Hon .Qasim Ibrahim Candidate no ✅5#QasimAmeen2023 #QaumeeCandidate #HaaskandaalaHamajeheyne pic.twitter.com/4Ubcr4BsbE
— Rym Husen (@husen_rym) August 18, 2023
"އަޅުގަނޑުމެންގެ ޕާޓީން އެގޮތަށް [އިންތިހާބުގައި ވާދަކުރަން] ނިންމީމާ އަޅުގަނޑަށް މަޖުބޫރުވީ ނިކުންނަން. އެ ބޭފުޅުންގެ [ޕާޓީގެ ކައުންސިލުން] އިއްތިފާގުން ނިންމީމަ އިންތިހާބަށް ނުކުންނެވީ." ކުރިން ވެސް ދެ ފަހަރެއްގެ މަތިން އިންތިހާބަށް ވާދަކުރެއްބި ގާސިމު ވިދާޅުވި އެވެ.
އޭނަ ވިދާޅުވީ އަބަދުވެސް ރައްޔިތުންނަށް ޚިދުމަތް ކުރައްވާ ހިތްޕުޅުވާ ބޭފުޅެއް ކަމަށާއި އެގޮތުން ދަޢުލަތުގެ މަޤާމެއް ނެތް ނަމަވެސް ރައްޔިތުންނަށް އެތައް ޚިދުމަތެއް ކޮށްދެއްވާފައިވާނެ ކަމަށް ވިދާޅުވި އެވެ. އެހެންވެ އިހުލާސްތެރިކަމާ މެދު ސުވާލު އުފައްދާނެ ޖާގައެއް ނޯންނާނެ ކަމަށް ގާސިމު ވިދާޅުވި އެވެ.
ގާސިމްގެ ކެމްޕޭން ދަތުރުގެ ތެރެއިން މިރޭ ކުޅުދުއްފުށީގައި ޖަލްސާއެއް ބާއްވަން ހަމަޖެހިފައިވެ އެވެ.