ޕީޕީއެމް/ޕީއެންސީގެ ރިޔާސީ ކެންޑިޑޭޓް ޑރ. މުހައްމަދު މުއިއްޒުގެ މެނިފެސްޓޯ މާދަމާ ރޭ ލޯންޗްކުރަން ނިންމައިފި އެވެ.
އިދިކޮޅު ކޯލިޝަމުން ބުނީ "ދިވެހިންގެ ރާއްޖެ" މެނިފެސްޓޯ ލޯންޗްކުރުމުގެ ހަފުލާ އޮންނާނީ ހުޅުމާލޭގެ ފޭސް ދޭއްގެ އެއް ނަމްބަރު ބަސް ސްޓޮޕް ކުރިމަތީ އޮންނަ ހުސް ބިމުގައި ކަމަށެވެ. އެއީ އާދިއްތަ ދުވަހުގެ ރޭ 8:30 ގަ އެވެ. މުއިއްޒުގެ މެނިފެސްޓޯ އަކީ އަންނަ މަހު ބާއްވާ ރިޔާސީ އިންތިހާބުގައި ޕާޓީތަކުން ވާދަކުރައްވާ ފަސް ކެންޑިޑޭޓުންގެ ތެރެއިން އެންމެ ފަހުން އާންމުކުރާ މެނިފެސްޓޯ އެވެ.
އިދިކޮޅު ކޯލިޝަނުން ބުނެފައި ވަނި މި ފެނިފެސްޓޯ އަކީ އެ ކޯލިޝަންގެ ފަރާތުން އިންތިހާބުގައި ވާދަކުރަން ކަނޑައެޅި ނަމަވެސް ނަމަވެސް ޖަލު ހުކުމަކާ ހެދި އެ ފުރުސަތު ގެއްލިވަޑައިގަތް ކުރީގެ ރައީސް އަބްދުﷲ ޔާމޫންގެ ތަސައްވުރާ އެއްގޮތަށް އެކުލަވާފައިވާ މެނިފެސްޓޯއެއް ކަމަށެވެ.
މުއިއްޒަކީ ޕީޕީއެމްގެ ފަރާތުން ޔާމީނަށް އިންތިހާބުގައި ވާދަކުރެއްވުމުގެ ފުރުސަތު ގެއްލިވަޑައިގަތުމާ ގުޅިގެން، އެ ކޯލިޝަން ތެރެއިން ވާދަކުރައްވަން ކަނޑައެޅި ކެންޑިޑޭޓެވެ. އޭނަގެ ރަނިންމޭޓަކީ މަޖިލީހުގެ ފަރެސްމާތޮޑާ ދާއިރާގެ މެމްބަރު މުހައްމަދު ލަތީފު (ސެމްބެ) އެވެ.
މާލޭގެ މިހާރުގެ މޭޔަރުގެ މަގާމުގައި ހުންނެވި ކުރީގެ ހައުސިން މިނިސްޓަރު މުއިއްޒު މިހާރު ގެންދަވަނީ ރާއްޖޭގެ އެކި ހިސާބުތަކަށް ވަޑައިގެން ކެމްޕޭން ކުރައްވައި ވައުދުތައްވަމުންނެވެ.